भांगरभूंय | प्रतिनिधी
वाळपयः होंडा नारायण नगरांत सुक्या लाकडांक बिरेस्तारा रातीं उजो लागून सुमार 40 हजारांचें लुकसाण जालें. जाल्यार 90 हजार हजारांची मालमत्ता वाटायली. सुदैवान हे घडणुकेंत कोणाक कांय जावंक ना.
मेळिल्ले म्हायती प्रमाण, होंडा नारायण नगरांतल्या मोबायल टॉवराच्या वाठारांत आशिल्ल्या सुक्या लांकडांक अचकीत उजो लागलो. थळाव्या लोकांनी उजो पालोवपाचो यत्न केलो. पूण तें अपेशी थारलें. उपरांत तांणी वाळपय उजो पालोवपी दळाक म्हायती दिली. उजो पालोवपी दळान उजो नियंत्रणांत हाडलो. हे घडणुकेंत सुमार 40 हजार रुपयांचें लुकसाण जालां, जाल्यार 90 हजार रुपयांची मालमत्ता वाटायली.
मजगतीं, अरविंद देसाय हांच्या फुडारपणा खाला वाळपय उजो पालोवपी दळाचे जवान रामा नायक, राहुल कवठणकार, संदीप गांवकार, रुपेश गांवकार, रुपेश सलेलकार, अविनाश नार्वेकार, प्रतिश गांवकार आनी आदम खान हांणी योगदान दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
