भांगरभूंय | प्रतिनिधी
भांगरभूंय । खबरां मेज
पणजीः देव कुडणेश्वर देवस्तान पंचायतनांतलत्या आजोब मंदिर कुडणे-हरवळे हांका आयतार 17 डिसेंबराक पादुका अर्पण कार्यावळ जातली. त्या निमतान रातयां 8 वरांचेर आजोबा मंदिर आनी गोंय मराठी अकादमी पुरस्कृत “तेजोमेय नादब्रह्म” ही ऋषिकेश ढवळीकार आनी साक्षी देसाय हांची भावगीत, भक्तीगीत आनी नाट्य संगीताची कार्यावळजातली.
पादुका अर्पणाची मुख्य धर्मीक कार्यावळ सकाळीं 10 वरांर सुरू जातली. दिसभरयां वेगवेगळ्यो धर्मीक आनी पारंपरीक कार्यावळी जातल्यो. शेकड्यांनी भाविक देवाचें दर्शन घेवपा खातीर दर वर्सा पादुका अर्पण कार्यावळीक येतात अशें कुडणेश्वर देवस्थनाचो अध्यक्ष उदय मळीक आनी आजोबा देवस्थान समितीचो अध्यक्ष प्रशांत व्ंयंकटेश देसाय हाणे सांगले. तेजोमय नादब्रह्म कार्यावळींचे सूत्रनिवेदन गोविंद भगत करतलो. तशेंच शशांक उपाध्ये, मंजिरी गोविंद कवठणकार, अनय घाटे हे साथ संगत करतले. कार्यावळीक संगीत मोगी आनी भाविकांनी व्हडा संख्येन हाजीर रावचें अशें उत्सव समितीचो अध्यक्ष विठोबा वांतेकार आनी सचीव अनंत धुमे हांणी मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
