भांगरभूंय | प्रतिनिधी
नवी दिल्ली, खबरां संस्था ः होंडा मोटरसायकल अँड स्कूटर इंडियान जुलयांत 5,15,378 युनिट्सची विक्री केली. फाटल्या म्हयन्याचे तुळेन वट्ट विक्रेंत 20% वाड नोंद जाल्या. कंपनीन 25 व्या वर्धापनदिसा निमतान सीबी 125 हॉर्नेट (CB125 Hornet) आनी शायन 100 डीएक्स (100 DX) ह्यो मोटारसायकली बाजारांत हाडल्यात.
एचएमएसआयन (HMSI) केल्ल्या वट्ट 5,15,378 विक्रींतल्या 4,66,331 युनिटांची देशांत विक्री जाली आनी 49,047 युनिटांची निर्यात जाल्या. विशेश म्हळ्यार एचएमएसआयन (HMSI) जून 2025 च्या तुळेंत वट्ट विक्रींत म्हयन्याक 20% वाड नोंद केल्या.
2025-26 अर्थीक वर्सा (एप्रिल ते जुलय 2025) एचएमएसआयन (HMSI) वट्ट 18,88,242 युनिट विकल्यात, तातूंत 16,93,036 युनिट देशी विक्री आनी 1,95,206 युनिट्सांची निर्यात जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
