भांगरभूंय | प्रतिनिधी
विद्यार्थ्याचेर गुन्यांव दाखल
पणजी : गोवा दांत महाविद्यालयाच्या निमाण्या वर्साच्या एका विद्यार्थ्यान चलयांच्या हॉस्टेलांत घुसून विद्यार्थिनी न्हातनाचे मोबायलाचेर चोरून व्हिडियो काडिल्ल्याचो धक्को दिवपी प्रकार मुखार आयला. ही घडणूक १९ मेक रातच्या सुमार ९.४५ ते १० वरांचेर घडली. हे विशींची कागाळ वसतीघराच्या बायल सचिवान २४ मेक सांजेवेळार ६.२७ वरांचेर आगशेच्या पुलीस स्टेशनांत नोंद केली.
हे विशीं मेळिल्ले म्हायती प्रमाण, आरोपी विद्यार्थी महाविद्यालयाच्या हॉस्टेलांत रावता. ताणें चलयांच्या हॉस्टेलाचे पयले माळयेवेल्या बाथरुमा कडेन वचून न्हांवपी चलयांचे जनेलांतल्यान मोबायलाचेर चोरून व्हिडियो काडपाचे यत्न केल्ल्याची म्हायती कागाळींत नोंद आसा.
हे घडणुकेक लागून हॉस्टेलांतल्या चलयांच्या गोपनीयतेचो आनी सुरक्षिततायेचो भंग जाला. दुबाविताचेर गुन्यांव दाखल केला. आगशी पुलीस हे विशीं तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
