भांगरभूंय | प्रतिनिधी
पणजी: पर्यटन खात्यान गोंयांतल्या सगल्या हॉटेल वेवसायीक/निवास आस्थापनांक विदेशी पर्यटकांच्या डेटा सबमिशन आनी सी-फॉर्म भरपा खातीर TIME सॉफ्टवेअर पाळप सक्तिचें करपी आदेश जारी केल्या.
पर्यटन खात्यान TIME (टुरिस्ट इन्फॉर्मेशन मॅनेजमेंट एंटरप्रायज) ह्या पर्यटकां संबंदीत म्हायती आनी आंकडेवारीची नोंदणी सुरळीत करपा खातीर डिझायन केल्लो एक अनिवार्य सॉफ्टवेअर आसा.
गोंयांत सुरक्षीत पर्यटन वेवसायाक योगदान दिवपा खातीर सगले हॉटेल वेवसायीक, गेस्ट हावज, मालक आनी हेर निवास मालकांनी TIME डेटा सबमिशनाक प्राधान्य दिवचें, जाका लागून संवसारीक पर्यटन स्थळ म्हणून राज्याची प्रतिश्ठा सांबाळून दवरपाक मजत जातली.
सगल्या पर्यटकांची म्हायती दर म्हयन्याचे 5 तारखे मेरेन हीं https://www.goatourism.gov.in चेर (फॉर्म-XI ) सादर करप. TIME सॉफ्टवेअरवर अपलोड करपाक जाय. पर्यटकांची पुराय आनी अचूक म्हायती दिवन, हे आदेश पाळप गरजेचें. हे आदेश पाळी नाशिल्ल्या आस्थापनां आड कादेशीर कारवाय जातली आनी चा ऑपरेटिंग परवानो निलंबीत वा रद्द करपाक शकतलो.
TIME च्या आदेशाक पाळो दिवपा वांगडाच विदेशी पर्यटकांक राबितो दिवपी सगळ्या निवास आस्थापनांनी उ-फॉर्म सादर करप सक्तिचें आसा. सगल्या हॉटेल वेवसायिकांनी हे आदेश पाळपा खातीर बेगीनात बेगीन कृती करची. तांत्रीक आडमेळीं आसल्यार कॉल सेंटराच्या 1364 ह्या नंबराचेर संपर्क करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
