भांगरभूंय | प्रतिनिधी
हॉंगकॉंगच्या ताई पो नांवाच्या वाठारांत बुधवारा एका व्हड लोक रावपी कॉम्प्लॅक्साक भिरांकूळ उजो लागलो. हे घडणुकेंत आतां मेरेन ४४ लोकांक मरण आयलां. जाल्यार २७९ जखमी आसात.
हो कॉम्प्लॅक्स वट्ट आठ इमारतींचो आशिल्लो, जातूंत दरेके इमारत ३५ मजली आशिल्ली. हातूंत सुमार दोन हजार अपार्टमेंट आशिल्ले. वांग फुक कोर्टचो हो टॉवर बांबूच्या मचान धाकिल्लो.
उजो इमारतीच्या भायर लायिल्ल्या ह्याच मचान पसून सुरू जाली. जाचेर दुरुस्तीचें काम सुरू आशिल्लें. वेगान व्हांवपी वार्याक आनी जळपी रांशीक लागून उजो एके इमारतींतल्यान दुसरे इमारतींत पातळत गेलो आनी हो भिरांकूळ अपघात घडलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
