भांगरभूंय | प्रतिनिधी
बेळगांव, खबरां संस्था: बेळगांव जिल्ह्यांतल्या रायबाग म्हालांतल्या कुडचीच्यान हैदराबाद वटेन बिफाची येरादारी सुरू आशिल्ल्याची म्हायती मेळटाच नागरिकांनी तिडक उक्तायली. हेच तिडकीन तांणी लॉरीकूच उजो लायलो. ही घडणूक कागवाड म्हालांतल्या ऐनापूर हांगा सोमारा रातीं घडली.
ह्या प्रकरणांत कागवाड पुलीस स्टेशनांत दोन स्वतंत्र गुन्यांव दाखल केल्यात. हे विशीं म्हायती दितना जिल्लो पुलीस अधीक्षक भीमशंकर गुळेद हांणी सांगलें, अवैध तरेने मांसाची येरादारी करपी लॉरीचेर गोरवां हत्या बंदी कायदो आनी प्राणी अत्याचार प्रतिबंधक कायद्या खाला कारवाय करून दोगांक अटक केली. जाल्यार उजो लायिल्ल्या प्रकरणांत तिगांक अटक केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
