भांगरभूंय | प्रतिनिधी
नो बॉल थारलो जैताचो केंद्रबिंदू
खबरां संस्था I जयपूर
जयपूरच्या सवाई मानसिंह मैदानाचेर जाल्ले आयपीएल 2023 च्या राेमांचक मॅचींत, सनरायाझर्स हैद्राबादान निमाण्या बॉलाचेर राजस्थान रॉयल्साक 4 विकेटींनी हारोवन जैत
मेळयले. दीर्घकाळ बॅटींगेचेर टिका जावपी अब्दुल समदन हांणी निमाण्या बॉलाचेर सको हुबोवन जैत मेळोवन दिले. जैता खातीर धांवड्यांचो फाटलाव करपी सनरायझर्स हैद्राबादाच्या बॅट्समनांनी राजस्थानच्या बॉलरांचो बरोच समाचार घेतलो. निमाणे ओवरींत 17 धांवड्यांची गरज अासतना अब्दुस समदानान उत्कृश्ठ बॅटींग करून हैद्राबादाक जैत मेळोवन दिले. संदीप शर्मान घातिल्लो नो बॉल हैद्राबादाच्या जैताचो केंद्रबिंदू थारलो.
राजस्थान रॉयल्सान टॉस जिखून पयली बॅटींग करपाचो निर्णय घेतिल्लो. ते उपरांत मैदानांत देंविल्ल्या राजस्थानच्या बॅट्समनांनी धांवड्यांचो पावस पाडलो. ते उपरांत जैता खातीर धांवड्यांचो फाटलाव करपी सनरायझर्स हैद्राबाच्या बॅट्समनांनी राजस्थानच्या बॉलरांचो बरोच समाचार घेतलो. निमाणे ओवरींत 17 धांवड्यांची गरज अासतना अब्दुस समदान उत्कृश्ठ बॅटींग करून हैद्राबादाक जैत मेळोवन दिले. संदीप शर्मान घातिल्लो नो बॉल हैद्राबादा च्या जैताचो केंद्रबिंदू थारलो.
अमोलप्रीत सिंगान 25 बॉलांनी 33 धांवड्यांची खेळी करून सरनायझर्स हैद्राबादाक बरी सुरवात करूनदिली. पूण युजवेंद्र चहलाचे बॉलिंगेचेर सिंग बाद कॅचआवट जालो. ते उपरांत अभिषेक शर्मान राजस्थानच्या बॉलरांक झोडपून 34 बॉलांनी 2 सके आनी 5 चवक्यांचे मजतीन 55 धांवड्यो केल्यो. मात अश्विनच्या बॉलिंगेचेर शर्मा अर्दशेंकडो करून बाद जालो. ते उपरांत राहुल त्रिपाठीन 29 बॉलांनी 47 धांवड्यांची खेळी केली. जाल्यार हेनकी क्लासेनान 12 बॉलांनी 26 धांवड्यो केल्यो.
चलहान आक्रमक बॉलींग करून दोनू बॅट्समनांक बाद केले आनी हैद्राबादाक धपको दिलो. ते उपरांत ग्लेन फिलिफ्सान सको हुबोवन 7 बॉलांनी 25 धांवड्यो केल्यो. फिलिप्सान हैद्राबादाक जैताचे दिशेन व्हडरपाचो यत्न केलो. पूण कुलदीप यादवाचे बॉलिंगेचेर शिमरन हेटमायरान ताका कॅचअावट केलो.
मुखेली जोस बटलराची आक्रमक बॅटींग आनी संजू सॅमसनच्या आकर्शक खेळाच्या नेटार राजस्थानान निर्धारीत 20 ओवरींनी दोन विकेटी वगडावन 214 धांवड्यो केल्यो. जयपूरच्या सवाई मानसिंह मैदाना वयली ही सर्वोच्च धांवसंख्या. जोस बटलर हांणी 95 धांवड्यांची खेळी केली. जाल्यार संजू सॅमसन हांणी नाबाद 66 धांवड्यो केल्यो. हैदराबादाक जैता खातीर 215 धांवड्यांचें आव्हान दिल्लें.
राजस्थानान टॉस जिखून पयली बॅटींग करपाचो निर्णय घेतलो. जोस बटलर आनी येशस्वी जयस्वाल हांणी वादळी सुरवात केली. खासा करून यशस्वी जयस्वाल हांणी फटकेबाजी केली. तांणी 18 बॉलांनी 35 धांवड्यांची खेळी केली. जयस्वाल आनी बटलर हांणी पयले विकेटी खातीर 54 धांवड्यांची भागिदारी केली.
ते उपरांत संजू सॅमसन आनी जोस बटलर हांणी दुसरे विकेटी खातीर 81 बॉलांनी 138 धांवड्यांची भागिदारी केली. जोस बटलर हांणी 95 धांवड्यो केल्यो. फकत पांच धांवड्यांनी ताचो शेंकडो चुकलो. भुवनेश्वर कुमार हाच्या बॉलिंगेचेर जोस बटलर बाद जालो. तांणी 59 बॉलांनी 95 धांवड्यो केल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
