‘हे’ 24 पासवर्ड ऑनलायन खात्यां खातीर थारुंक शकतात धोक्याचे

भांगरभूंय | प्रतिनिधी

नॉर्डपास कडल्यान सोपे आनी चड वापरिल्ले पासवर्ड जाहीर

ईमेल, सोशल मिडिया अकाउंट्स, ऑनलायन वेव्हार, मोबायल फोन हांतूत पासवर्ड हो एक खूब म्हत्वाचो घटक. पूण ह्या पासवर्डा कडेन जायत्या फावटीं दुर्लक्ष जाता आनी आमच्यांतले चडशे लोक याद उरपाक जाय म्हमून सामके सादे आनी सोंपे पासवर्ड दवरतात. आनी हाका लागून हॅकर्सांक ऑनलायन फटवणूक करप सोंपें जाता.
सद्या पासवर्ड हॅकिंग साधनांय बाजारांत मेळटात आनी हॅकर्स अश्या सगळ्या वस्तूंचो वापर करतात. देखूनच योग्य आनी ‘स्ट्रॉंग’ पासवर्ड दवरप गरजेचें आसा. नॉर्डपास (NordPass) ह्या अभ्यासांत स्वतंत्र सायबर सुरक्षा संशोधकांच्या सहकार्यान कांय सोपे आनी चड वापरिल्ले पासवर्ड जाहीर केल्यांत. चड वापरिल्ले संवसारांतले ‘टॉप 24’ पासवर्ड ह्या अहवालांत हायलायट केलां.

1) 123455
2) ॲडमिन (Admin)
3) 12345678
4) 1238456789
5) 1234
6) 12345
7) पासवर्ड
8) 123
9) Aa123456
10) 12345678901
11) UNKNOWN
12) 1234567
13) 123123
14) 111111
15) 12345678910
16) 000000
17) ॲडमिन 123 (Admin123)
18) **
19) युजर (user)
20) 1111
21) P@ssw0rd
22) रूट (root)
23) 654321
24) qwerty

पासवर्ड सुरक्षा नेम –

० जेन्ना तुमी ॲप खातीर पासवर्ड निवडटात तेन्ना कुटुंबांतल्या वांगड्यांचे वा तुमचें नांव, जल्म तारीक आदी पासवर्ड दवरप टाळचें. तशेंच फकत अक्षरांचो आस्पाव करचो न्हय.
० तुमचो पासवर्ड उण्यांत उणो 20 अक्षरांचो आसा हाची खात्री करात, व्हड आनी ल्हान अक्षरां, क्रमांक आनी खाशेले अक्षर एकठांय करून पासवर्ड तयार करात.
० तशेंच दर ३ म्हयन्यांनी तुमचो पासवर्ड बदलत रावचें.
० वेगवेगळ्या प्लॅटफॉर्मांचेर एकूच पासवर्ड दवरूं नाकात. कारण एक अॅप वा खातें हॅक जालें जाल्यार हेर सगळ्या खात्यांक धोको जावंक शकता.
० तुमचे पासवर्ड अनवळखी मनशां कडेन शेअर करप वा व्हॉट्सअॅप वा फेसबूक सारक्या सोशल प्लॅटफॉर्मांचेर शेअर करप टाळचें.