भांगरभूंय | प्रतिनिधी
-गोंयात जाली अस्तंंत राज्यांतल्या पर्यटन मंंत्र्यांंची परिशदपणजी : हेर राज्यांं कडेन सांंस्कृतीक आनी दायजाचें दिवप- घेवप करून सांंस्कृतीक पर्यटन वाडोवपाचेर गोंंय सरकाराचे प्राधान्य आसा. दर्यादेगांं सयत राज्याची संंस्कृती, दायज आनी गांवगिऱ्या वाठारांत पर्यटन व्हरपाचें उद्दिश्ट आसा, अशेंं पर्यटन मंंत्री रोहन खंंवटे हांंणी स्पश्ट केले.
अस्तंंत राज्यांंच्या पर्यटन मंंत्र्यांची परिशद गोंयांत जाली. केंंद्रीय पर्यटन मंंत्री गजेंंद्रसिंंग शेखावत, पर्यटन राज्य मंंत्री सुरेश गोपी परिशदेक हाजीर आशिल्ले. राजस्थान, मध्य प्रदेश, छत्तीसगड तशेंच हेर राज्यांंचे पर्यटन मंंत्री आनी अधिकारी परिशदेक हाजीर आशिल्ले.
पर्यटन हो दरेकी राज्य तशेंच देशाचो मुखेल वेवसाय आसा. सगळ्या राज्यांंनी एकमेकाच्या सहकार्यान आपआपले पर्यटन वाडोवपाक जाय. संंस्कृती, खाद्य पदार्थ, दायज, उत्सव हांचे मजतीन पर्यटनाक उर्बा दिवपाचें आवाहन केंंद्रीय पर्यटन मंंत्री गजेंंद्रसिंंग शेखावत हांणी केले. सगळ्या राज्यांंच्या पर्यटन मंंत्र्यांनी विचार मांडले. एखादो विदेशी पर्यटक भारतांत आयलो कांय तो दोन, तीन लागसारच्या राज्यांंक भेट दिता. हे भायर देशी पर्यटकांंचो आंकडो वाडोवपाचेर भर दिवपाक जाय, असो विचार आयलो.
गोंंयच्या दर्यादेगो फामाद आसा. दर्यादेगांंक भेट दिवपाक पर्यटक येतात. दर्यादेगांं सयत गोंंयची देवळां, आग्वादा सारको किल्लो, घसघशें तशेच गांवगिरो वाठार सोबीत आसा. हांंगा जावपी परंपरीक महोत्सव, संंस्कृती हाचो पर्यटना खातीर चडांत चड वापर जातलो. सांंस्कृतीक, गांवगिरे आनी साहसी पर्यटनाचेर सरकार भर दितले. हेर राज्यांं कडेन समन्वय सादपा सयत सहकार वाडोवन हे करप शक्य जातलें, अशें पर्यटन मंंत्री रोहन खंवटे हांणी परिशदेंत सांंगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
