भांगरभूंय | प्रतिनिधी
इंडीयन प्रिमियर लिगेची (आयपीएल) दुसरी मॅच आयज येजमान सनरायझर्स हैदराबाद आनी राजस्थान रॉयल्स ह्या पंगडां मदीं जातली. पोरूंच्या हंगामांतले दुसरे क्वॉलिफायरांत सनरायझर्स हैदराबादान राजस्थान रॉयल्साक हारयिल्लो. फाटल्या हंगामा सावन सनरायझर्स हैदराबादाचे बॅटिंगेची खूब चर्चा सुरू जाल्या. फाटल्या हंगामांत सनरायझर्सान सगल्यांत चड सके मारिल्ले. तशेंच सगल्यांत चड सात खेपे 200 परस अदीक धांवसंख्या उबारिल्ली.
ट्रॅव्हिस हेड, अभिषेक शर्मा, इशान किशान आनी हॅन्रिक क्लासन हांचे उपस्थितींत सनरायझर्स हैदराबाद पंगड परतून एकदा धांवड्यांचो पावस घालपाक परतून सज्ज जाला. दुसरे वटेन रियान परागाच्या फुडारपणाखाला राजस्थान रॉयल्स योग्य संतुलन सोंदपाचो यत्न करतलो. वयले सुवातेर जोस बटलराची गैर हाजेरी जाणावपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
