भांगरभूंय | प्रतिनिधी
पिळगांवकार: पिळगांवां जालो जेसीआय स्थापना आनी पयलो अधिकार ग्रहण सुवाळो
दिवचल : आयची युवा पिळगी बरीच हुशार आसा. हे हुशारकायेक कश्टांचो तेंको दिवन आपल्या व्यक्तीमत्वाची पुरायेन उदरगत करची, असो उलो युवा उद्देजक तशेंच समाजसेवक मिलींद पिळगांवकार हांणी दिलो.
पिळगांवां जेसीआयची स्थापना आनी पयल्या अधिकार ग्रहण सुवाळ्याक पिळगांवकार हे मुखेल सोयर ह्या नात्यान उलयताले. पिळगांवच्या श्री शांतादुर्गा मंदीर सभाघरांत हालींच आयोजीत केल्ल्या ह्या सुवाळ्याक माचयेर जेसीआयचे पदाधिकारी अतुल गोणकार, ईशान उसपकार, साईप्रसाद नायक, राजेश रंजन, दिवचल जेसीआयचे अध्यक्ष ऋषभ मयेंकार, पिळगांव जेसीआयचे नवे अध्यक्ष अमेय प्रभूगांवकार आनी हेर मानेस्त हाजीर आशिल्ले.
ह्या सुवाळ्यांत अमेय प्रभुगांवकार हांची अध्यक्ष म्हणून नेमणूक जाली. जयेश वालावलकार, अश्र्वेश गिमोणकार, दिप्तेश प्रभूगांवकार, संजय सालेलकार, ऐश्वर्या नायर, सत्यम वालावलकार ह्या संचालक मंडळाक विवीध पदांची सुत्रां दिल्यांत. तशेंच प्रकल्प समन्वयक म्हणून शर्मिला वालावलकार कार्यरत रावतली. वांगडी म्हणून साईराज
पिळगांवकार, पंकज सायनेकार, दिव्या गोवेकार, ज्योत्स्ना परब गांवकार, साहिल पिळगांवकार, दुर्गेश प्रभूगांवकार, दत्तदीप गांवस, रजत परब गांवकार, श्रेयश पिळगांवकार, सिद्धिविनायक शिंदे हांची नेमणूक जाली.
ऋषभ मयेंकार हांणी सगळ्यांक येवकार दिलो. अतूल गोणकार, साईप्रसाद नायक, ईशान उसपकार, राजेश रंजन आनी हेरांनी आपापलें मनोगत उक्तावन परबीं भेटयलीं. ऐश्वर्या नायर आनी संजय सालेलकार हांणी सुत्रसंचालन केलें. जाल्यार जयेश वालावलकार हांणी निमाणें उपकार मानले.
राष्ट्रगीतान कार्यावळ सोंपली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
