भांगरभूंय | प्रतिनिधी
कुवेट, खबरां संस्था: इस्रायल आनी हमास हांचे मदीं चालू आशिल्ल्या झुजाक लागून आतां बोटींचे येरादारीक धोको निर्माण जाला. येमेनांतल्या हुती बंडखोरांनी रेड सींतल्यान भारताक माल येरादारी करपी बोटींचें अपहरण केलां. त्यो इस्रायलाच्यो, अशें म्हणटात.
ह्या बोटींचेर २५ कामगार युक्रेन, बल्गेरिया, फिलीपीन्स आनी मेक्सिको ह्या देशांतले आशिल्ले. इस्रायलाचे प्रधानमंत्री बेंजामिन नेतन्याहू हांच्या कार्यालयान बोटी अपहरण करपा फाटल्यान तेहरानच्या सरकाराक दोश दिला.
इस्रायल आनी हमास हांचे मदलें झूज बंद जायना. हें झूज दिसानदीस खर जायत आसा. हिजबुल्लाह, हमास उपरांत आतां हुती बंडखोरांनी हातूंत उडी घेतल्या. इस्रायलच्या सरकारान सांगलें, येमेनांत ईराण समर्थक हुती बंडखोरांनी एक माल व्हरपी बोट व्हेली. जाल्यार बेंजामीन हांणी कोणाचेंच नांव घेनासतना हे विशीं निशेध उक्तायलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
