भांगरभूंय | प्रतिनिधी
कोलेस्टेरॉल निरोगी पेशी तयार जावपाक मजत करता. पूण ताचें प्रमाण वाडटा तेन्ना काळजाच्या दुयेंसांचो धोको वाडटा. कुडींत वाडिल्लें कोलेस्टेरॉल कशें वळखुपाक जाय हाचीं लक्षणां नेमकी खंयचीं तें पळोवया. देखून कोलेस्टेरॉलाची पातळी वाडिल्ली पळोवन ताचेर नियंत्रण दवरपाक मजत जावंक शकता.
कोलेस्टेरॉल वाडपाचें कारण
कुडींत कोलेस्टेरॉल वाडपाक जायते घटक जापसालदार आसतात. देखीक- चरबी चड आशिल्लें आहार, व्यायामाचो उणाव, वजन वाडप, धूम्रपान आनी पिवप, कांय जाणांचें आनुवंशिक कारणांक लागून वजन वाडटा. देखून आनुवंशिक कारणाक लागून वजन वाडट आसल्यार त्या कारणांचो अदमास येना.
कोलेस्टेरॉल वाडपाची लक्षणां खंयचीं?
१. मनशाच्या आंगांत कोलेस्टेरॉलाची पातळी चड आसल्यार ताचीं लक्षणां रोखडींच ताचे कातीचेर दिसतात. तांच्या कातीचेर हळडुवे दाग आनी गांठी दिसूंक लागतात. दोळ्यां सकयल, खोपरो आनी धोपरा भोंवतणी आशिल्ले ह्यो गांठी दिसतात.
२. हात-पांयांचेर कोलेस्टेरॉल वाडपाचीं कांय लक्षणां दिसूंक लागतात. जेन्ना कुडींत कोलेस्टेरॉल चड प्रमाणांत जमता. तेन्ना कुडींतल्यो शिरो संकुचीत जावन रगत घोळप उणो जावंक लागता. हाका लागून खंयचीय शारिरीक क्रिया करतना हात-पांयांत मुंयो येता आनी हातपांय सुन्न जाता.
३. कोलेस्टेरॉल चड आशिल्ल्यान पचन तंत्रांतय समस्या निर्माण जातात. ताका लागून पित्ताशयांत फातर तयार जातात. तशेंच पोटाच्या वयल्या वटेन उजवे कुशीक दुखपाक सुरवात जाता.
४. कुडींत कोलेस्टेरॉल चड आशिल्ल्यान शिरांनी प्लाक जमून रगताच्या प्रवाहांत आडमेळीं येवंक शकतात. हाका लागून काळजात दुखता. हाचो अर्थ कोलेस्टेरॉल वाडपाची सामान्य लक्षणां म्हळ्यार काळजात दुखप आनी स्वास घेवपाक त्रास जावप.
कोलेस्टेरॉल कशें नियंत्रीत करप?
० आहारांत चरबीचें प्रमाण मर्यादीत करचें, आनी प्रक्रिया केल्ले आनी जंक फूडां पासून पयस रावचें.
० सगळ्यांत म्हत्वाचें म्हणल्यार ओमेगा 3 फॅटी अॅसिडांचो आहारांत आस्पाव करप. ही एक निरोगी चरबी. हाका लागून वायट कोलेस्टेरॉल उणें करपाक मजत जाता.
० तुमच्या आहारांत तंतूचें प्रमाण वाडयात. कोलेस्टेरॉलाची पातळी नियंत्रीत करपाक उपेगी पडटा.
० हाचे भायर दर दिसा नेमान व्यायाम करचो. तुमचें वजन निरोगी जावंक शकता. थोडें वजन उणें केल्यार कोलेस्टेरॉलाची पातळी सुदारुंक शकता.
० धूम्रपान आनी सोरो पियेवप टाळचें, कारण हाका लागून कोलेस्टेरॉलाची पातळी वाडची ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
