भांगरभूंय | प्रतिनिधी
दुयेंसां आडावपा खातीर चड करून ताजें जेवण, खाण खावपाचो सल्लो दितात. पूण जायते वेळार शिजयिल्ले खाण उरलें तर तें आमी फ्रिजांत सांठोवन दवरतात. आनी दुसरे दीस गरम करुन खातात. पूण फ्रिजांत दवरिल्लें हे जेवण भलायकेक खूब हानीकारक थारता. ताका लागून जायती दुयेंसां जावपाचो धोको वाडटा.
१. तांतयां
तांतयां खावप भलायके खातीर बरें हें सगळ्यांक खबर आसा. पूण तांतयां पसून तयार केल्लें अन्न, जशीं ऑमलेट, बुर्जी आदीं फ्रिजांत दवरूंक फावना. कारण तातूंत बॅक्टेरिया बेगीन वाडूंक लागतात, जाका लागून तुमचें पचन इबाडूंक शकता.
२. पाचवी भाजी
पाचवी भाजी फ्रिजांत दवरपाक बंदी आसा, कारण तातूंत आशिल्ले नायट्रेट धोकादायक कंपाऊंड नायट्रो मायन्सांत बदलता. जाका लागून पचनक्रिया संबंदीत समस्या निर्माण जावंक शकतात.
३. बटाट
बटाट फ्रिजांत दवरुं नाकात, कारण बटाट चड वेळ फ्रिजांत दवरल्यार बटाटांतल्या स्टार्चाचें ग्लुकोजांत रुपांतर जाता. जें तुमचे भलायकेक हानीकारक थारता.
४. शीत
शीत फ्रिजांत सांठोवन दवरून खावचें न्हय असो सल्लो दितात. कारण शिजयल्ल्या तांदळांत बॅक्टेरिया नेटान वाडूंक लागतात, जीं परतून शीत गरम केले उपरांत लेगीत मरनात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
