भांगरभूंय | प्रतिनिधी
भांगरभूंय । प्रतिनिधी
केरी-सत्तरीः हिरा सर्वेश पार्सेकार गांवकार हिच्या ‘आनंदानुभूती’ ह्या कविता झेल्याचें प्रकाशन ज्येश्य़ प्रवचनकार प्रा रमेश सप्रे हांचे हस्तुकीं जालें. श्री ब्रह्मचैतन्य गोंदवलेकार म्हाराज मठ, सुखद चैतन्योपासना केंद्र, वातें- सत्तरी हांगा ही कार्यावळ जाली. ह्या वेळार माययेर गोंय मराठी अकादमी संचालक आनंद मयेकार, चंद्रकांत महादेव गांवस, चैतन्योपासना केंद्राचे अध्यक्ष गुरुदास सुतार आशिल्ले.
हिराची कविता मनीस आनी मनीसपणा सरभोंवतणी फिरपी आसा अशे सप्रे हाणे सांगले. आनंद मेयकारान येवकार दिवंन प्रास्तावीक केलें. हिरा गांवकारान आपलें मनोगत उक्तायलें. चंद्रकांत गांवस आनी गुरुदास सुतार हांचे ह्या वेळार उलोवप जालें. सर्वेश पार्सेकारान निमाणे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
