हिमाचल प्रदेशांतले स्पीती व्हॅलीक भारतांतलो पयलो थंड वाळवंटी बायोस्फीअर रिझर्व्ह म्हणून घोशीत
भांगरभूंय | प्रतिनिधी
बीजिंग, खबरां संस्था: चीनच्या हँगझोऊ हांगा जाल्ले युनेस्कोचे ३७वे MAB-ICC बसकेंत हिमाचल प्रदेशांतले स्पीती व्हॅलीक भारतांतलो पयलो थंड वाळवंटी बायोस्फीअर रिझर्व्ह म्हणून घोशीत केला.
३,३०० ते ६,६०० मिटर उंचायेचेर वशिल्ली आनी सुमार ७,७७० चौ.कि.मी. वाठार वापरपी ही दरी आपल्या अद्भुत सैमीक सौंदर्याक, प्राचीन बौद्ध मठाक आनी दुर्मीळ जैवविविधतायेक लागून फामाद आसा. बर्फान भरिल्लीं तेमकां, न्हंयांचे संगम आनी हिमखंड आशिल्ली ही नाजूक परिसंस्था हिमबिबट्या, निळी मेंढी आनी हिमालयीन आयबेक्स अश्या दुर्मीळ प्रजातींची आसरो सुवात जावन आसा.
स्पीती हो फकत पर्यावरणाचो खजिनो न्हय, तो एक ‘हिमालयीन संस्कृतीचें जिवें संग्रहालय’ जावन आसा. हांगचे लोक शेकड्यांनी वर्सांसावन शेती, सैमा विशीं आदर आनी सैमीक जीवनशैली आतां मेरेन जगून आयल्यात.
ह्या मानांकना सयत भारताकडेन आतां १३ युनेस्को बायोस्फीअर रिझर्व्ह आसात. हें देशाची शाश्वत उदरगत, पर्यावरणाचो सांबाळ आनी सांस्कृतीक दायज सांबाळपाच्या यत्नांक नवी संजीवनी दिवपी पावल मानतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
