भांगरभूंय | प्रतिनिधी
भांगरभूंय । प्रतिनिधी
पोरणे गोंयः डोंगरी- मंडुरच्या अवर लेडी ऑफ बों सक्सेस सायबिणीच्या फेस्तांत हिंदू आनी किरिस्तांवा मदल्या एकचाराचें दर्शन घडलें. सायबिणीच्या काडल्ले मिरवणुकेंत हिंदू व्हडा संख्येन वांटेकार जाल्ले. ताणी चर्चींत वचून सायबिणीक फुलां ओपून उजवाती आनी मेणवाती लायल्यो.
सान्तआंद्रेंचो आमदार विरेश बोरकार आनी मंडुरचो सरपंच प्रशांत नायक हांणी मिरवणुकेंत वांटो घेवन देवीची घुमटी खाद्यार घेतली. बों सक्सेस सायबिणीचें फेस्त म्हणल्यार गोंयांतल्या हिंदू- किरिस्तांवा मदल्या एकचाराची एक बरी देख आसा अशें बोरकारान सांगलें. डोंगरीक जावपी इत्रूजा उत्सवांत किरिस्तांव भाव व्हडा संख्येन वांटेकार जाता अशें ताणे सांगलें. डोंगरी- मंडुर वाठारांत हिंदू आनी किरिस्तांव फाटल्या जायत्या वर्सा सांवन देवाच्या आशिर्वादन एकचारान रावतात अशे प्रशांत नायकान सांगलें
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
