हिंदी कवी, कथाकार विनोदकुमार शुक्ल हांकां ज्ञानपीठ पुरस्कार

भांगरभूंय | प्रतिनिधी

रायपूर, खबरां संस्था ः रायपूर- छत्तीसगढांतले हिंदी कवी, कथाकार विनोदकुमार शुक्ल (88) हांकां ज्ञानपीठ पुरस्कार जाहीर जाला. नवी दिल्लीतल्या ज्ञानपीठ निवड समितीन ही घोशणा केली. ह्या राज्याक पयलेच खेप हो पुरस्कार फावो जाला.
1 जानेवारी 1937 दिसा राजनांदगांवांत जल्मल्ले विनोदकुमार शुक्ल फाटलीं 50 वर्सां बरयता. तांचो ‘अभिषेक जय हिंद’ हो पयलो काव्यसंग्रह 1971 वर्सा उजवाडाक आयलो. तांचें ‘रूम ऑन अ ट्री’ आनी ‘कॉलेज’ हे कथासंग्रह खूब लोकप्रिय आसात.
विनोदकुमार शुक्ल हांच्यो ‘नौकर की कमीज’, ‘इफ इट ब्लूम्स वी विल सी’, ‘देअर यूज्ड टू बी अ विंडो इन द वॉल’ ह्यो कादंबरी हिंदींतल्यो उत्कृश्ट आसात. नामनेचे चित्रपट निर्माते मणि कौल हाणीय ‘नौकर की कमीज’ हे कादंबरीचेर आदारिल्लो चित्रपट तयार केल्लो.

विनोदकुमार शुक्ल हांचो तांच्या कविता आनी कादंबरी लेखना खातीर जायत्या पुरस्कारांनी भोवमान केला, जशे गजानन माधव मुक्तिबोध फेलोशिप, रजा पुरस्कार, वीरसिंह देव पुरस्कार, सृजन भारती पुरस्कार, रघुवीर सहाय स्मृति पुरस्कार, दयावती मोदी कवि शिखर पुरस्कार, भवानीप्रसाद मिश्र पुरस्कार, मैथिलीशरण गुप्त पुरस्कार, पंडित सुंदरलाल शर्मा पुरस्कार. तशेंच ‘देअर युज्ड टू बी अ विंडो इन द वॉल’ हे कादंबरी खातीर 1999 वर्सा तांकां ‘साहित्य अकादमी पुरस्कार’ फावो जालो. तशेंच मातृभूमी बुक ऑफ द इयर पुरस्कार दिवनय तांचो भोवमान केलो. फाटल्या वर्सा तांकां पेन अमेरिकेन आंतरराष्ट्रीय पांवड्यावेलो नाबोकोव्ह पुरस्कार फावो जाल्लो. हो भोवमान मेळोवपी ते आशियांतले पयले लेखक.

‘ह्या’ कवितांची तोखणाय…
तेच प्रमाण ‘जय हिंद’ ह्या संग्रहांतलीं कविता ‘तो माणूस नवीन उबदार कोट घालून निघून गेला, जणू काही विचार, सगळं घडायचंच राहील, काहीच अतिरिक्त नाही, तशेंच सगळ्यांत लांब कविता ‘मळब धर्तरेक’ ह्या कविताचीय संवसारभर तोखणाय जाल्या.
भुरग्यां खातीर बरयल्ल्या ‘ग्रीन लीफ कलर्ड पतंगी’ आनी ‘अ बॉय नेम्ड कहीं खो गया’ ह्या पुस्तकांकय वाचकांचो बरो प्रतिसाद मेळ्ळो. तांची पुस्तकां संवसारभरांतल्या भाशांनी अणकारीत जाल्यात.