भांगरभूंय | प्रतिनिधी
सेक्स स्कँडल दुबावित जेडीएसचे उमेदवार प्रज्वल रेवण्णा हांची हार
खबरां संस्थाः लोकसभा वेंचणुकेंचो निकाल आयज जाहीर जाता. आतां मेरेनच्या सगळ्यांत व्हडल्या कथित सेक्स स्कँडलांत दुबावित आशिल्लो जेडीएसचे उमेदवार प्रज्वल रेवण्णा हाका हार खावची पडली. आदले प्रधानमंत्री एच. डी. देवेगौडा हांचो नातू प्रज्वल रेवण्णा हाका काँग्रेसीच्या श्रेयस पटेल हांणी हारयलो. हासन लोकसभा मतदारसंघांत 25 वर्सां उपरांत काँग्रेसीक जैत मेळ्ळां.
जनता दल सेक्युलर पार्टी (JDS) हासन लोकसभा मतदारसंघाचो खासदार प्रज्वल रेवण्णा हाचे 2976 व्हिडिओ व्हायरल जाल्ले. 2019 वर्सा तो उबो राविल्लो. भाजपाच्या मंजू ए हांकां हारोवन ताणें जैत मेळयिल्लें. प्रज्वल रेवण्णा हांचो राजकी वारसोय व्हड आसा. रेवण्णा कर्नाटकाचे आदले मुख्यमंत्री एच. डी. कुमारस्वामी हांचो पुतणयो.
देशांत दुसऱ्या टप्प्याचें मतदान 26 एप्रील 2024 दिसा कर्नाटक राज्यांतल्या 24 जाग्यांचेर मतदान जावपाचें आशिल्लें. हांतूत कर्नाटकांतल्या हसन मतदारसंघाचोय आस्पाव आशिल्लो. पूण, रेवण्णा उबो राविल्ल्या मतदारसंघांत ताचे चार दीस आदीं कांय जाणांनी पेन ड्रायव्ह उडयल्ले. ह्या पेन ड्रायव्हांत रेवाण्णाचे व्हिडियो आशिल्ले, वेंचणुकेंच्या वेळार व्हिडियो व्हायरल करुन रेव्हण्णाची गेम केल्ली.
मजगतीं, काँग्रेसीन 25 वर्सां उपरांत पक्षान हसन मतदारसंघांत यश मेळयलां. बायलांनी काँग्रेसीचो उमेदवार श्रेयस पटेल हांकां मतां दिवन आरोपी रेव्हण्णाक हारयलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
