हाडां घटमूट उरपाक जेवणांत वापरात ‘हें’ व्हिटामीन…
भांगरभूंय | प्रतिनिधी
व्हिटामीन ‘के’क लागून हाडां घटमूट उरतात. हें भालायके खातीर खूब म्हत्वाचें. व्हिटामिन केक लागून हाडांचीं दुयेंसां जावपाची शक्यताय उणी आसता. हाडांच्या फ्रॅक्चराक ते प्रतिबंध करता. व्हिटॅमिन के हें कायद्याच्या दुयेंसां खातीरूय फायद्याचें. तुमच्या जेवणांत तुमी खंयचे गजालीचो आसपाव करून घेवपाक जाय? जाल्यार ह्या गजालींचो सदच्या जेवणांत आसपाव करून घेयात.
पालक – पालक भाजयेंत व्हिटॅमी ‘के’ आसता. पालक भाजयेन बिटा कॅरोटीन आसता जी रोगप्रतिकार शक्त घटमूट करता. व्हिटॅमीन के बगर पालक भाजयेंत व्हिटॅमीन ‘सी’ आनी व्हिटॅमिन ‘ई’ आसता. हातूंत जायते अँटी-ऑक्सिडंट्स मेळटात जी भलायकी राखता.
ड्रायफ्रुट्स – अक्रोड, पायन नट्स, हेझलनट आनी काजू हातूंत के जीवनसत्व भरपूर प्रमाणांत आसता. हें सुकें फळ खाल्यार हाडांची भलायकी सुदारता. तशेंच सुकीं फळां तंतू भरपूर आसतात आनी पोटाक लागून जावपी समस्यां पसून सुटका जाता.
तांतयां – तांतयां हें सुपरफूड. हातूंत जायतीं पुश्टीक घटक आसतात. तांतयां प्रथिन आनी व्हिटॅमीन डीचो एक बरो स्रोत जावन आसा. पूण हातूंत व्हिटामीन ‘के’ लेगीत व्हडा प्रमाणांत आसता. तांतयांचो सहजपणान आपल्या सदच्या जेवणांत आसपाव करूं येता. सकाळीं च्यावे वेळार तें खाल्यार बरें.
ब्रोकोली – पांचव्या भाजयांनी ब्रोकोली खूब फायद्याची. ब्रोकोलींत व्हिटॅमीन सी, फायबर आनी व्हिटॅमीन के आसता. सदांच शिजयल्ली ब्रोकोली खाल्ल्यार शरिराक गरजेचें ९२ टक्के व्हिटॅमीन के मेळटा.
अवाकाडो – व्हिटॅमीन के जर जाय आसल्यार अवाकाडोचो तुमी जेवणांत आसपाव करपाक जाय. मध्यम आकाराचो अवाकाडो खाल्ल्यार गरजेचे २० टक्के व्हिटॅमीन के मेळटा. तातूंत हेल्दी फॅट्स आसता, फायबरूय आसता. तुमी अवाकाडो ब्रोकोली सॅलड्स, सँडवीच आनी स्मूदींत घालून खावपाक शकतात. तशेंच तुमी ऑम्लेट, भाजयो वा पराठ्यांतूय घालून तें खावपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
