भांगरभूंय | प्रतिनिधी
पणजीः इफ्फींतली पयली सांज सलमान खान प्रॉडक्शनाच्या हाऊसफुल्ल “फर्रे” ची आसली. ‘फर्रे’ ह्या चित्रपटाचो प्रिमियर पळोवपाक आयनॉक्स 1 थिएटरार गर्दी जाल्ली. सलमान येतलो, सलमान येतलो अशें म्हणत वाट पळोवचे परस आदीं ‘चित्रपट’ म्हणपीच चड आशिल्ले. मात अखेर सलमान आयलो, सिनेमा सोंपता, सोंपतना. सिनेमा पळोवपाक आयिल्ल्यांनी सलमानाक उठून येवकार दिलो, फर्रे, फर्रे म्हणत न्हय, एकूच फोटो मारपाक दी प्लीज म्हणत. सलमान हांसलो, फोटोय दिले, अचकीत बाय बाय केलें.
शिक्षणाच्या मळार जेन्ना फटिंगपणां जातात तेन्ना ती एकादरे भारतांत पचतात पूण आस्ट्रेलियेक सत सांगतकीच तरणाट्यांक कशी माफी मेळटा. निमाणे कडेन स्कॉलरशीप मेळळी तरी विदेश नाका देशूच बरो अशें नियती कित्याक सांगता? चूक केल्यार माफी मागल्यार, सत सांगल्यार संवसार येवकार दिवपाक कसो तयार आसा, असो संदेश तरणाट्यांक कोण दिता? ह्यो जापो सोदपाक ‘फर्रे’ पळयात. हो चित्रपट एके स्त्रीशक्तीच्या अभिनयाच्या बळग्यार जैतवंत जातलो. अभिनेते, निर्माते सलमान खान हांची भाची अलीझेह अग्निहोत्री हिचेखातीर. फुडारांतलो ज्युनियर सलमान खान ह्या सिनेमांत दिसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
