भांगरभूंय | प्रतिनिधी
म्हजी थोडी जतनाय करात, हें सैम बरे तरेन सांबाळात, झाडां पेंडां लायात, उदक बुरशे करूं नाकात. कारण फुडाराक तुमकांच धोको तयार जावंक शकता.
हांव भूंय उलयता, म्हणल्यार तुमची आवय. तुमचे सुंदर घर, तुमचे जीवन हांव हांगा कितलींशीं वर्सां रावन पळयता की हें जग कशें फुडें सरता. आनी तातूंत कशी वेगळेपणां तयार जावंक लागल्यांत. हांवें तुमकां सगळें दिलां. वारो दिला तुमकां श्वास घेवपाक, सैम दिला जाका पळोवन मनाक सामकें बरें दिसता, फुलां खूब बरी सैमाची सोबीतकाय वाडयतात, मेकळो जागो. तशेंच दोंगर, शेता, उदक आनी खूप कितें.. तें तुमी जाणा. म्हाका सांगपाची गरज ना.
पूण म्हाका खूब वायट दिसता जेन्ना तुमी म्हाका सामकें घाण करतात. जे म्हज्यान पळोवपाक जायना. इतल्या बऱ्या दोंगरांचीं तुमीं झाडां कापतात. तेन्ना म्हाका दुखता. तुमी झाडां कापतात, बरें आसा, पूण त्या जनावरांचें कितें? तांच्या घरा विशीं लेगीत तुमी चितनात. तांचें घर वडयलें जाल्यार तीं खंय म्हणून रावतलीं? उदक बुरशें करतात. उदकांतल्या नुस्त्यांक लेगीत त्रास करतात. सवण्यांक सारकें उडपाक मेळना, कित्याक तुमीच नी, तर सगल्यांक टाॅवर लावन दवरल्यात, ज्या खातीर तांचो जिव पसून चल्लो.
हांव तुमची भूंय म्हाका तुमीच तर सांबाळपाक जाय, हांव तुमकां आदार दितां. पूण तुमी म्हजी काळजी घेनात. सुवार्था खातीर म्हजो नाका आशिल्ले तरेन वापर करता, जातूंत म्हाका खूब त्रास, दुखापत जाता. हांव तुमचे कडेन इतलेंच मागतां की म्हजो साबाळ करात. हांव ना जाल्यार तुमी कांयच नी, म्हजी थोडी जतनाय करात, हें सैम बरे तरेन सांबाळात, झाडां पेंडां लायात, उदक बुरशे करूं नाकात. कारण फुडाराक तुमकांच धोको तयार जावंक शकता.
माही गावडे
श्री अमेय उच्च माध्यमिक विद्यालय, कुर्टी
यत्ता बारावी, कला शाखा
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
