भांगरभूंय | प्रतिनिधी
हाँगकाँग, खबरां संस्था ः 2020 वर्सा पुराय संवसारात कोरोनाची खर ल्हार पातळ्ळिल्ली. ते उपरांत आतां परत एकदां आशिया खंडात कोरोनाची ल्हार पातळपाची भिरांत आसा. हाँगकाँग आनी सिंगापूरांत कोरोनाचे दुयेंती परतून मेळ्ळ्यांत. 3 मे मेरेन हाँगकाँगांत कोरोना संसर्गाचे 31 दुयेंती मेळ्ळ्यांत. हातूतल्या जायत्या जाणांक मरण आयलां. सिंगापूरांतूय कोविड अलर्ट जारी केलां.
सिंगापूरांत एप्रीलाच्या निमाण्या सप्तकांत 11,110 कोरोना दुयेंतीचो आंकडो आशिल्लो. जो मे म्हयन्याच्या पयल्या सप्तकांत 14,200 मेरेन वाडलो. ही 28% वाड आसा. ह्या वर्सा आतां मेरेन 14,200 कोरोना दुयेंती मेळ्ळ्यांत. तेच बरोबर दर दिसा हॉस्पिटलांत दाखल जावपी दुयेंतींचो आंकडो 30 टक्क्यांनी वाडला.
हो दुयेंस परतून एक फावट गंभीर वळण घेवंक शकता आनी ताचो परिणाम आशियांतल्या हेर देशांनीय जाणवूं येता अशी शिटकावणी भलायकी अधिकाऱ्यांनी दिल्या.
चीन-थायलंडय अलर्ट मोडार
चीन आनी थायलंड सरकारुय कोविड संबंदी सतर्क आसात. चीनांत वैजकी तपासणे खातीर वचपी दुयेंतींचेर कोविड लक्षणां आशिल्लें दुयेंती दुपेटीन वाडल्यात. लोकांक बूस्टर शॉट घेवपाचो सल्लो दिलां. चायनीज सेंटर फॉर डिसीज अँड प्रिव्हेन्शनच्या आंकडेवारी प्रमाण रोखडीच कोविड ल्हार चड खर जावंक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
