भांगरभूंय | प्रतिनिधी
पणजी ः हस्तकला, वस्त्रोद्योग आनी काथ्याकाम काम खात्यान कारागिरां खातीर मजत येवजणेंत सुदारणा केल्या. हातूंत उपकरणां खरेदी करपा खातीर मेळपी अर्थीक मजत ५००० रुपया मेरेन वाडयल्या. तशेंच कारागिरांक 180 दिसां मेरेन मुफत कच्चो म्हाल मेळटलो. हो काळ आनीक 90 दीस मेरेन वाडोवंक मेळटा.
ते भायर आतां कारागीरांक राज्यांत जावपी प्रदर्शनां खातीर 15 हजार रुपया मेरेन आनी राज्या भायल्या कार्यावळीं खातीर 20 हजार रुपया मेरेन पुराय स्टॉल भाड्यान घेवंक मेळटात. तशेंच प्रवास आनी प्रदर्शनांत वांटो घेवपा खातीर दिसपट्टो भत्तो 600 ते 1000 रुपया थारायलां. जाल्यार आंतरराष्ट्रीय प्रदर्शनां खातीर आनी वांटेकार जावपा खातीर दर कारागिराक 3 लाख रुपया मेरेन अर्थीक मजत मेळटा.
मजगतीं, हँडहोल्डिंग सपोर्ट आदाराच्या काळांत दिसाक 250 रुपया स्टायपेंड दितले, जाल्यार पॉवर लुम कारागिरांक उत्पादनाचेर आदारून दिसाक 500 रुपया मेरेन स्टायपेंड मेळटलो. तशेंच कारागिरांक प्रोत्साहन निधी थारावपा खातीर सरकारान मूल्यमापन पद्दत सुरू केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
