भांगरभूंय | प्रतिनिधी
भांगरभूंय । प्रतिनिधी
पेडणेः मांद्रें मतदारसंघातल्या गणेश मूर्तीकारांक हस्तकला म्हामंडळा वतीन चिकण माती मळपाची मशिना दिवपाची आमदार जीत आरोलकार हाचे हस्तुकीं दिली. अंदू चवथ सप्टेंबर म्हयन्यांत जातली. मूर्ती तयार करपाचें काम ह्या म्हयन्यांत सुरू जातलें. चिकण माती हाडून तें मळप हें एक व्हडलें काम. चडशें तें हातांनी करतात मात हालींच्या कांय वर्सां सावन ते मशिना वरवीं करतात.
पेडणेचो आमदार प्रवीण आर्लेकार हाची नेमणूक हस्तकला म्हामंडळाचो अध्यक्ष म्हणून केल्या उपरांत ताणे पोरूंच्यान पेडणे तालुक्यांतल्या गणेश मूर्तीकारांक चिकण माती मळपा खातीर मशिना दिवपाक सुरवात केल्ली. हे येवजणे खाला जीत आरोलकारान आपल्या मांद्रें हांगच्या कार्यालयांत चार मूर्ती कलाकारांक मशिनाचें वितरण केलें.
सरकारी येवजण्यांचो लाब मतदारसंघांतल्या दरेका घराब्याक दिवपा खातीर आपूण वावुरतां. पेडणे तालुक्यांत तयार जाल्ल्यो गणेश मूर्ती पुराय गोंयांत व्हरतात. मांद्रे गांवांत मूर्ती करपाची परंपरा आसा. ती तिगोवन दवोरपाक जाय. मूर्ती तयार करतात ताची तकालस मात्शी उणी जावची हे खातीर तांकां चिकण माती मळपाची मशिना दितात. मांद्रें मतदारसंघात पारंपरिक पद्दतीन गणपती मूर्ती तयार करपी तरणाट्या कलाकारांक उर्बां दिवपाक जाय. मूर्ती कला तिगोवन दवोरपा खातीर हे कलाकार फुडाकार घेतात ही सामकी बरी गजाल अशें आरोलकारान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
