भांगरभूंय | प्रतिनिधी
भांगरभूंय । प्रतिनिधी
म्हापशेंः फाटल्या 30 वर्सा सावंन पुलीस खात्यांत सेवेंत आशिल्ले प्रभाकर परब ऊर्फ पॅट्रीक शुक्राराक (31 मार्च) सेवा निवृत्त जाले. विशेश म्हणल्यार सेवा निवृत्तीच्याच दिसा ताका हवालदारपदा वयल्यान सहाय्यक उपनिरीक्षक म्हणून बडटी मेळ्ळी. तशें पत्र ताका पुलीस म्हासंचालक जसपाल सिंग हाणी दिलें.
प्रभाकर परब 1992 वर्सा पुलीस खात्यांत कॉन्सटेबल म्हणून कामाक लागिल्लो. 2012 वर्सा तांका हवालदार म्हणून बडटी मेळिल्ली. पुलीस सेवेंत रुजू जावचे पयली ताणे चार वर्सा होमगार्ड म्हणून काम केल्लें. ताणे हणजूण, पेडणे, म्हापशें, कळंगुटे आनी पर्वरी पुलीस स्टेशनांत काम केल्लें. निवृत्तीच्या वेळार तो म्हापशें पुलीस स्टेशनांत रॉबर्ट जीपीचेर आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
