भांगरभूंय | प्रतिनिधी
पेडणेंः हळर्ण सरपंच पदाचेर रामचंद्र परब हांची विरोधा विणें निवड जाली. सरपंच सिद्धी राऊळ हिणें अलिखीत कबलाती प्रमाण सरपंच पदाचो राजिनामो दिल्या उपरांत मंगळारा रामचंद्र परब हांची निवड करपा खातीर पंचायत कार्यालयांत खाशेली बसका जाली. हे बसकेंत रामचंद्र परब हांचो सरपंच पदा खातीर एकमेव अर्ज आयिल्ल्यान वेंचणूक अधिकारी दिवा ठाकुर हिणें परब हांची विरोधा विणें निवड जाल्ल्याची घोशणा केली.
ह्या वेळार पंच निवड बसकेंत उपसरपंच आरती राऊळ, पंच विनोद हरिजन, सिद्धी राऊळ, दिव्या नायक, शैलेश नायक, महेश्वर परब, पंच रामचंद्र परब हे सगले सात पंचायत वांगडी हाजीर आशिल्ले.
ह्या वेळार उलयतना सरपंच रामचंद्र परब हांणी सांगलें, पेडणें मतदारसंघाचे आमदार प्रवीण आलेकार हांच्या मार्गदर्शना खाला सगल्यांग बरोबर घेवन पंचायत वाठारांची उदरगत करतलो. सगल्या पंचायत वांगड्यांनी विरोध करिनासतना ताची एकमतान निवड केल्ल्यान तांणी पंचायत मंडळाचे आनी आमदारांचे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
