भांगरभूंय | प्रतिनिधी
160 भुरग्यांनी घेतलो वांटो
म्हापशें ः श्रीदत्त पद्मनाभ पीठ संचालीत संत समाज हळदोणा वतीन साईनगर हांगच्या श्रीसाईबाबा मंदिरांत आयोजीत बाल संस्कार शिबीर जालें.
ह्या वेळार हळदोणा मुळाव्या भलायकी केंद्राची डॉ. ज्योत्स्ना फोंडेकार, साईबाबा देवस्थानाचे अध्यक्ष दयानंद नाईक, संत समाजाची क्षेत्रीय मुखेली वर्षा नार्वेंकार, संत समाज हळदोणाचे अध्यक्ष सविदास नायक आनी वेदमुर्ती स्नेहल गांवकार हाजीर आशिल्ली.
डॉ. ज्योत्स्ना फोंडेकार हांणी मनोगत उक्तायतना मोबायल आनी कोल्ड ड्रिन्काचे वायट परिणाम भुरग्यांचेर कशे जातात आनी ते कशे टाळचे हे विशीं मार्गदर्शन केलें.
देवस्थानाचे अध्यक्ष दयानंद नायक हांणी, तपोभुमीचे सद्गुरु ब्रह्मेशानंदाचार्य स्वामी महाराजांचे काम हें वर्णन करपा भायलें आसा. बाल संस्कार वर्ग आयोजीत करप हें आतांचे पिळग खातीर गरजेचें अशें तांणी म्हणलें.
अध्यक्ष सविदास नायक हांणी ह्या वेळार मनोगत उक्तायलें.
सकाळच्या सत्रांत योगाचार्य अनील नार्वेंकार हांचे वतीन योगासना घेतली. बटू स्नेहल गांवकार हांणी भुमी वंदना, गणपती स्तवन, देवी स्तुती, गुरुस्तवन, भोजन मंत्र अश्यो जायत्यो गजाली भुरग्यांक शिकयल्यो.
महाप्रसाद घेवच्या पयलीं भुरग्यांनी भोजन मंत्र म्हणलो. सांजेच्या सत्रांत खुबशे स्त्रोत, वाडदीस मनोवपी संस्कृत गीत शिकयलें. उपरांत सांजेवेळार ह्या शिबिराची सांगता जाली .
ह्या शिबिराक शिक्षक म्हणून वेदाचार्य स्नेहल गांवकार, वर्षा नार्वेंकार, सुजया नायक, अनिल नार्वेंकार, सविदास नायक हांणी काम पळयलें. शिबिरांत सुमार 160 भुरग्यांनी वांटो घेतलो.
हे शिबीर येसस्वी जावपा खातीर देवस्थानाचे गोपाळ नायक दादा, संत समाजाचे प्रकाश कारापूरकार, शिवानंद नायक, भगवान पाळणी, शिवानी पाळणी, प्रमिला कारापुरकार, संगीता नेमळेंकार, दिक्षा नार्वेंकार, रेश्मा नायक, रती खानोलकार, रेषा वायंगणकार, शम्मी नायक, शीतल साळगांवकार, सुमेधा पणजीकार, प्रिया साळगांवकार, शांती नायक, उषा नारोजी, अर्जून साळगांवकार, सुरेंद्र पणजीकार, राघोबा करापुरकार, नरेश मांद्रेंकार, माधव खानोलकार, सुभाष पाळणी, शांतनू पाळणी, दिक्षा पाळणी, गौरीशा नेमळेंकार हांणी सहकार्य केलें.
ईश्वरी प्रार्थना आनी दिवली पेटोवन शिबीर सुरू जालें. सुत्रसंचालन रती खानोलकार आनी उपकार अनील नार्वेंकार हांणी मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
