भांगरभूंय | प्रतिनिधी
म्हापशें: अस्नोडेंच्या उदक शुद्धीकरण प्रकल्पांत रातीं तांत्रीक इबाड जालो. हाका लागून हळदोणें मतदारसंघांत मर्यादीत उदकाची पुरवण जातली. उदका स्रोत खात्यान दुरुस्तीचें काम हातांत घेतलां.
हे विशीं चड म्हायती खातीर उदका पुरवण खात्याच्या अभियंत्यां कडेन संपर्क केलो तेन्ना तांणी, अस्नोड्यां प्रकल्पांत रातीं तांत्रीक इबाड जाल्ल्यान सोमारा हळदोणा मर्यादीत उदकाची पुरवण जातली अशें सांगलें. दुरुस्तीचें काम हातांत घेतलां. सांजेवेळार मेरेन उदकाची पुरवण सुरळीत करपाचे यत्न चल्ल्यात. ह्या उदकाचेर निंबून आशिल्ल्यान सहकार्य करपाचो उलो उदका पुरवण खात्या वतीन केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
