हळदीच्या पिकांक उर्बा दिवपाक शेतकी खात्याचे उपक्रम

भांगरभूंय | प्रतिनिधी

-कृशी मंत्र्यांची विधानसभेंत लेखी जापपणजीः फाटली तीन वर्सा गोंयात 54.8 हळदीचें उत्पन्न तयार जालां. हे उत्पादन

वेवसायीक न्हय जाल्यार हळदीच्या पिकांक चालना दिवपा खातीर हो उप्रकम हातांत

घेतिल्लो. हळदीची पिकावळ वाडोवपा खातीर सरकारान जायते उपक्रम हातांत

घेतल्यात, अशी म्हायती कृशी मंत्री रवी नायक हांणी विधानसभेंत लेखी जापेंत दिल्या.

कुडतरीचे आमदार आलेक्स रेजिनाल्ड लॉरेन्स हांणी गोंयांत हळदीच्या पिकावळी विशीं

म्हायती मागयिल्ली. हाचेर लेखी जाप दितना मंत्र्यानी सांगलें, फलोत्पादन एकात्मीक उदगरत मिशन हे केंद्रीय येेवजणे खाला आयसीएआरच्या सुचोवणे प्रमाण चड उत्पन्न दिवपी सालेम, पितांबर आनी वांयगण हे उत्कृश्ट दर्जाच्या जातीच्यो हळदी गोंयांत हाडिल्लो. हे तिनूय जाती रोवन 3 वर्सां खातीर 2019 ते 2022 मेरेन ताचे मुल्यांकन जाले.

ह्या काळांत तीन जातीच्या हळदीचे 54.8 टन उत्पन्न गोयांत जाले. सालेम जात 21.7 टन, वांयगण 15.7 आनी पितांबर 17.4 टन उत्पादन हळदीचे जाले. हळदीच्या पिकावळी खातीर गोंयची माती आनी वातावरण योग्य आसा. हे पिक रानवटी जनावरा जशे की गवे हे नाशाडी करपाक शकनात. पावस सोंपले उपरांत हांकां विशेश शिंपणावळीची गरज ना, देखून वेवस्थीत वेवस्थापन केल्यार हळद हे आंतरपीक म्हूण काजी बागायतींनी रोवपा खातीर बरी संद आसा.

हळद हे स्वतंत्र तशेंच आंतरपीक म्हूण राज्यांत प्रोत्साहन दितात. आंतरपीक म्हूण हे माड, आंबे आनी काजू बागायतीत रोवपाक मेळटा. थंयसर उदक चड आडावन उरना आनी मातयेचो उंचवटो करून खोल खणून त्यो रोवन सेद्रींय पद्दतीचे सारें वापरुन तांची पिकावळ घेवपाक मेळटा, तशेंच इत्सूक शेतकार आनी हेर भागधारकांक प्रशिक्षण आनी सुदारीत लागवड पद्दतीचे शिकोवप चालू केल्या.

आयसीएआर पोरणें गोंय हांणी कृशी संचालनालयाच्या जोड पालवान 2020 ते 2024 मेरेन 120 शेतकार आनी भागधारका खातीर चार प्रशिक्षण सत्रां आयोजीत केल्ली. कृशी तंत्रगिन्यान वेवस्थापन एजन्सीन हळद उत्पादनाचेर विविध प्रात्यक्षिकां आनी प्रशिक्षण कार्यावळी आयोजीत केल्ल्यो.

फलोत्पादन उदरगती खातीर राष्ट्रीय फलोत्पादन मिशन आनी राज्य क्षेत्र येवजण हे केंद्रीय येवजणे खाला शेतकारांक रु. 60,000 दर हॅक्टर इतली मजत मेळटा.

चडांत चड 4 हॅक्टर मर्यादा हे येवजणे खातीर दवरल्या. हळदी खातीर आधारभूत किंमत दिनात.

आयसीएआर शेतकी वेवसाय इन्क्युबेशन केंद्र शेतकारांक हळदीची प्रक्रिया करपा खातीर मार्गदर्शन करता आनी 2020 सावन केंद्रांतल्या पायलट प्रक्रिया सुविधेत हळदीची प्रक्रिया उण्या खर्चांत शेतकारां कडल्यान जाता. तशेंच सांखळे भारत सरकारच्या आदिवासी घटका खाला बारीक हळद प्रक्रिया युनीट घातला आनी शेतकारांक ताचो लाव घेवपाक मेळटा.