भांगरभूंय | प्रतिनिधी
हरिद्वार, खबरां संस्था: उत्तराखंडांतल्या हरिद्वारांतल्या मानसा देवी देवळांत आयतारा सकाळीं ९:१५ वरांचेर खेटाखेट जाली. हातूंत आतां मेरेन ६ जाणांक मरण आयलें. २९ जाण जखमी जाल्यात. देवळांत व्हड गर्दी जाल्ल्यान हो अपघात जाला, अशें गढवाल विभागाचे आयुक्त विनय शंकर पांडे हांणी सांगलें.
देवळान वचपाच्या रस्त्यार पायर्यांचेर लायटीचो प्रवाह जाता अशी वावडी सगल्याक उडली. हाका लागून सगल्याक भंयाचें वातावरण निर्माण जालें आनी लोक हेवटेन तेवटेन धांवपाक लागले.
एसएसपी प्रमोद सिंह डोभाल हांणी, मनसा देवीच्या देवळांत जाल्ले खेटाखेटींत ३५ जाण जखमी जाल्ल्याची म्हायती आमकां मेळ्ळी. तेन्ना त्या लोकांक बेगोबेग हॉस्पिटलांत हाडले. हातूंत स जाणांक मरण आयिल्लें. हेरांचेर उपचार सुरू आसात.
मनसा देवी देवूळ हरिद्वाराक शिवालिक दोंगरार बिल्व पर्वतार आसा. तें हर-की-पौरीपसून सुमार ३ किमी अंतराचेर आसा आनी १.५ किमी चडटी काडून वा रोपवेन हांगा पावपाक मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
