भांगरभूंय | प्रतिनिधी
चंडिगढ, खबरां संस्था: हैदराबादांत भाजपाच्या माधवी लता हांच्या बुरखा वादा उपरांत हरियाणांत भारतीय वेंचणूक आयोग शिटूक जालां. आयोग गांवगिर्या वाठारांतल्या गुरखा घालपी मतदारांची पडताळणी करतलें. हे खातीर आ़गणवाडी सेविका आनी वांगडी परिचारिका (सुईण) हांची विशेश नियुक्ती केल्या.
गांवगिर्या वाठारांतल्या बुथां खातीर तांची नियुक्ती करतले. जंय हिंदू बायलांनी ’घुंघट’ घालप आनी मुस्लीम बायलांनी बुरखा घालप ही सामान्य गजाल जावन आसा. ते ह्या मतदारांची वळख पटोवन तांच्या मतदार वळखपत्रा कडेन जुळोवन घेतले. आयोगाच्या अधिकार्यांच्या ह्या निर्णया फाटलो उद्देश २५ मेक जावपी मतदाना मजगतीं कसलेंच बनावट मतदान जावचें न्हय हो आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
