भांगरभूंय | प्रतिनिधी
हरमल: रक्षाबंधन ही पवित्र नात्याची परब. भयण आपल्या भावाक राखी बांदता. अंदूं देवूळवाडो सरकारी मुळाव्या विद्यालयाच्या विद्यार्थिनींनी एक बरें काम करून रक्षबंधन परब दबाज्यान मनयली.
दर्यादेगेर पर्यटकांचो जीव वाटावपा खातीर दृश्टी जिवरक्षक जीव घाताक लागून सेवा दीत आसतात. त्या जिवरक्षकांक देवूळवाडो सरकारी मुळावे शाळेच्या विद्यार्थिनींनी राखी बांदून परब मनयली.
फाटल्या 16 वर्सांत ह्या दर्यादेगेर तशेंच हेर दर्यादेगांनी आमी सेवा दिली पूण अशी परब कोणेच मनोवंक ना अशें जिवरक्षकांनी सांगलें.
ह्या वेळार देवूळवाडो विद्यालयाच्यो शिक्षिका सुचित्रा सोमजी, रिया सावंत आनी सुप्रिया परब हांणी मार्गदर्शन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
