भांगरभूंय | प्रतिनिधी
भांगरभूंय । प्रतिनिधी
पेडणेः हरमलच्या दर्या देगेर उक्तेपणान शिंदळी वेवसाय चलता. पेडणे पुलिसांनी तो बंद करपा खातीर यत्न चलयल्यात. रातयां गस्त घालपाक सुरवात केल्ल्यान व्हो वेवसाय बंद जातलो असो हावेस लोकांनी उक्तायला. मांद्रें मतदारसंघातल्या दर्या देग वाठारांत कांय राज्यांतल्या चलिल्ल्या शिंदळी वेवसायांत कांय राज्यांतल्या चलयो दिसून येतात.
मांद्रें मतदारसंघातल्यो दर्या वेळो सध्या घुंवळी वखदांचो वेवसाय आनी आवाजाच्या प्रदूशणाक लागून बदनाम जावपाक लागल्यात. तातूंत आतां शिंदळी वेवसायाची भर पडल्या. सरकारी यंत्रणेन खर कारवाय केली ना जाल्यार वायट गजालींक लागून पर्यटन पेडणेच्या दर्या देगांनी येवपाचें बंद जावपाची शक्यताय कांय नागरिकांनी उक्तायल्या.
हरमल दर्या वाठारांत शिंदळी वेवसाय रातचो सुरू जावन फातोडे मेरेन चलता. तरणाट्यो गिरायका कडेन थेट संपर्क सादून रेट थारायतात. दर्या देगांनी आशिल्ल्या गेस्ट हावसांच्यो कुडी भाड्यान घेवन थंय शिंदळी वेवसाय चलता. ज्यो तरणाट्यो ह्या कुडींनी रावतात त्यो कसलो वेवसाय करतात हाची म्हायती पुलिसांनी घेवपाची गरज उप्रासल्या. हरमला सुरवेक नायजेरियन चललो शिंदळीं वेवसायांत आशिल्ल्यो. आता कोलकाता, दिल्ली तशेंच गोंयां भायल्या हेर राज्यांतल्यान आयिल्ल्यो चलयो नटून-थटून राती गिरायक मेळोवपा खातीर उब्यो आशिल्ल्यो दिश्टी पडटात. कांय दिसाळ्यांनी पेडणेच्या दर्या देगांनी शिंदळी वेवसायाच्यो बातम्यो येवपाक लागिल्ल्यान पेडणे पुलीस सध्या सक्रिय जाल्यात. शिंदळी वेवसायांत आशिल्ल्यांचेर आमी कारवाय करतले. जो कोणूय आमकां ह्या वेववसाया संबंदीची म्हायती दिता तांचें नांव गुपीत दवोरतले अशें पेडणेचो पुलीस निरीक्षक दत्ताराम राऊत हाणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
