हरमला साद्या कारणा वयल्यान मारपेट, तरणाट्याक मरण
भांगरभूंय | प्रतिनिधी
शॅक कामगारांक घेतल्यात ताब्यांत
पेडणें : हरमला दर्यादेगेर सांजवेळा पासय मारपाक गेल्ल्या अमर बांदेकार ह्या तरणाट्याचो खून जावपाची घडणूक घडल्या. एका शॅक कामगारां कडेन ताचो वाद, मागीर झगडीं, मारामारी जाली. तातूंत अमराक मरण आयलें. पुलिसांनी चवकशे खातीर कांय जाणांक ताब्यांत घेतल्यात. ताचे पयलीं तांकां ताब्यांत घेतल्या शिवाय कूड ताब्यांत घेवचे नात, अशें थळाव्यांनी म्हणिल्लें. हे घडणुकेक लागून थळावे नागरीक तिडकल्यात.
दर्यावेळेर चलतना एका शॅका मुखार दवरिल्ल्या कदेली चलप्याक लागच्यो न्हय म्हूण ताणें सहज भितरल्यो दोन कुशीक काडल्यो. इतल्यान शॅक कामगारान ताका हडकिलो. अमरान ताका समजावपाचो यत्न केलो. तेन्ना बाचाबाची जाली. उपरांत शॅक कामगारान वांगड्यांक आपोवन ताका बरोच बडयलो. तेन्ना लोकांनी मदीं पडून जखमी अमराक हाॅस्पिटलां व्हेलो. पूण ताका व्हरतना वाटेर मरण आयलें, अशें पुलिसांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
