भांगरभूंय | प्रतिनिधी
स पर्यटकां आड गुन्यांव; तरीय दुसऱ्या दिसा तेंच
भांगरभूंय । प्रतिनिधी
पेडणें: हरमल दर्यादेग वाठारांत विदेशी पर्यटक बेकायदो बाजार मांडिल्ले खातीर बिरेस्तारा पेडणें पुलिसांनी स पर्यटकां आड गुन्यांव नोंद केलो.
गुन्यांव नोंद केल्ल्यां मदीं अॅलेक्सी नोगिचेव्ह (38), हनुमंत हरमलकर (78), अॅलेक्सी इव्स्टिफीव्ह (65), व्हिक्टर ग्लुखोव (23) किरील झविअलोव्ह (43) हांचो आस्पाव आसा.
मजगतीं, हरमल दर्यादेग वाठारांत 12 जानेवारीक व्हड प्रमाणांत बाजार मांडिल्लो. थळावे आमदार जीत आरोलकार हांणी आपूण गिरायक आशिल्ल्याचें भासोवन थंय आयिल्ल्या पर्यटकां कडेन संवाद सादलो. उपरांत कांय वरां भितर पुलिसांनी हो बाजार बंद केलो.
ते उपरांत पत्रकारां कडेन उलयतना आमदार आरोलकार हांणी सांगलें, पर्यटकांनी पर्यटक म्हूण येवचें. पर्यटनाच्या नांवा खाला बेकायदो वेवसाय करचे न्हय, असो तांणी उलो मारलो. तरी लेगीत शुक्रारा 13 जानेवारीक हरमल दर्यादेगेर परतून बाजार मांडलो. हो बाजारूय पुलिसांनी बंद उडयलो.
ते उपरांत कांय मिणटां भितर पर्यटन खात्याचे अधिकारी दर्यादेग वाठारांत आयले. उदकाक तेंकून खाटी घालच्यो न्हय, खर कारवाय करतले, अशी शिटकावणी तांणी वेवसायिकांक दिली. ताका लागून थळाव्या वेवसायिकांनी आपापलीं लांकडी मेजां आनी खांटी थंयच्यान काडल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
