भांगरभूंय | प्रतिनिधी
पणजी: गोंय राज्य वेंचणूक आयोगान हरमल पंचायतीचो वार्ड-४ आनी दुर्भाट पंचायतीच्यो वार्ड-२ खातीर २ ऑगस्ट २०२५ दिसा पोटवेंचणूक घेवपाचें जाहीर केलां. ११ जुलय २०२५ दिसा सावन ते वेंचणूक प्रक्रिया पुराय जाय मेरेन वेंचणूक जावपी पंचायत प्रभागांत आचारसंहिता लागू केल्या.
उमेदवारी अर्ज १५ ते २२ जुलय मेरेन स्विकारतले. २३ जुलय दिसा उमेदवारी अर्जांची छाननी जातली. उमेदवारी अर्ज फाटी घेवपाची तारीख २४ जुलय आसा. २ ऑगस्ट दिसा सकाळी ८ ते सांजेचीं ५ वरां मेरेन मतदान जातले आनी ४ ऑगस्ट दिसा मतमेजणी जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
