भांगरभूंय | प्रतिनिधी
नवी दिल्ली : फाटल्या १२ वर्सांच्या काळांत ७० हजार भारतीयांनी आपले पासपोर्ट सरेंडर केल्यात. ही खबर एका राष्ट्रीय दिसाळ्यान दिल्या. २०११ ते २०२२ मेरेन ६९,३०३ भारतीयांनी पासपोर्ट परत केल्यात. तातूंत ९० टक्के लोक गोंय, पंजाब, गुजरात, महाराष्ट्र, केरळ, तामिळनाडू, दिल्ली, चंडिगडा कडेन संबंदीत आसात. आरटीआय वरवीं मागिल्ले म्हायतींत केंद्र सरकारान ही जाप दिल्या.
पासपोर्ट सरेंडर करपी ४०.४५ टक्के (२८,०३१) लोकांनी ते गोंयांतल्या पासपोर्ट कार्यालयांत परत केल्यात. हातूंत कितले गोंयकार आसात, तें कळूंक ना. हो पासपोर्ट परत करपा विशींचो आंकडो भारतीय कार्यालयांचो. विदेशांतल्या भारतीय दुतावास, उच्चायोग कचेरेंत कितल्या जाणांनी ते सरेंडर केल्यात, तें जाहीर जावंक ना.
अंदूं २४ मार्चाक संसदेंत विदेश राज्य मंत्री मुरलीधरन हांणी दिल्ले म्हायती प्रमाण, २०११ ते आॅक्टोबर २०२२ मेरेन १६ लाख २१ हजार ९२१ भारतीयांनी आपली नागरिकता सोडल्या. ते कायमचे विदेशांत स्थायीक जाल्यात.
सविस्तर बातमी बुधवारच्या अंकांत
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
