भांगरभूंय | प्रतिनिधी
म्हापशें: पिकेन चिवार, हणजूण्यां पुलिशेच्या गुन्यांव विभागान धाड घालून 12.23 लाखांचो ड्रग्स आनी 41 हजार रुपया जप्त केले. ह्या प्रकरणांत पुलिसांनी हमीद तेरहीन (41) ह्या इराणी नागरिकाक अटक केली.
पुलिसांनी ही कारवाय शुक्रारा 22 मार्चाक मध्यानरातीर केली. चिवार हणजूण्यां रावपी दुबावीत आरोपी ड्रग्साचो विक्री वेव्हा करता, अशी म्हायती गुन्यांव विभागाक मेळिल्ली. ते प्रमाण पुलिसांनी दुबावीत आरोपीच्या भाड्यान रावतालो ते कुडीचेर धाड घातली.
झडटे वेळार पुलिसांक 258 ग्राम गांजो, 52.190 ग्राम चरस, 6.580 ग्राम एमडीएमए मेळून वट्ट 12 लाख 23 हजार 800 रुपया मोलाचो ड्रग्स तशेंच 41 हजार 300 रुपया सांपडले.
हो सगळो मुद्देमाल पुलिसांनी जप्त केलो आनी घुंवळी वखदां प्रतिबंधक कायद्या खाला गुन्यांव नोंद करून दुबाविताक अटक केली. फुडलो तपास पुलीस निरिक्षक लक्षी आमोणकार करता. मजगतीं, दुबाविता आड विदेश कायदो मोडिल्ल्या प्रकरणांत आनीक एक गुन्यांव पुलीस नोंद करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
