हणखणें सरकारी विद्यालयाक वस्तादपण

भांगरभूंय | प्रतिनिधी

हणखणें सरकारी माध्यमीक विद्यालयाच्या पंगडान खेळां आनी युवा वेव्हार संचालनालया वतीन घेतिल्ले चल्यांच्या 17 वर्सां पिराये सकयले खो-खो सर्तींत वस्तादपण जोडलें. ह्या शाळेच्या चलयांच्या पंगडाक मात उप वस्तादपणाचेर समाधान मानचें पडलें.

हणखणें सरकारी विद्यालयान खो-खो सर्तींत तालुको, जिल्हो, राज्य पांवड्या वयलो आपलो शेक राखलो. अंदूं ह्या विद्यालयाचे तीन पंगड राज्य पांवड्या वयले खो-खो सर्ती खातीर पात्र थारले. खेळगड्यांक शारिरीक शिक्षण शिक्षक विश्रांत सावंताचे मार्गदर्शन लाबलें.

राज्य पांवड्या वयले हणखणें सरकारी विद्यालयाच्या 17 वर्सां पिराये सकयल्या चल्यांच्या पंगडांत आदित्य निरपळ, मुशाहिद अन्सारी, ओमकार ठाकूर, हर्ष गावडे, युगांक नायक, साहिल आयनोड, कार्तिक गांवस, प्रेम ककेरीकर, प्रज्योत हरिजन, नरेंद्र गडवाल, सज्जन सावंत, निकेश वरक, राहुल बंदीवडार, यश शेळके, विकास कुडारी हांचो आस्पाव आशिल्लो.

राज्य पांवड्या वयल्या 17 वर्सां पिराये सकयल्या चलयांच्या गटांत उप वस्तादपण जोडपी पंगडांत गौरी नायक, हर्षदा नायक, स्वरांगी नायक, खुशी नायक, मिलन नायक, साची नायक, जान्हवी बद्रिके, मयुरी सावंत, नितिशा तळवणेकार, शर्वरी नायक, अनिता वडार, साजदा खातून हांचो आस्पाव आशिल्लो.

हणखणें सरकारी विद्यालयान 14 वर्सां पिराये सकयल्या चल्यांच्या खो-खो सर्तींत जिल्हो पांवड्याचेर दुसरो, जाल्यार राज्य पांवड्यार चवथो क्रमांक मेळयलो.

हणखणें सरकारी विद्यालयाचे मुख्याध्यापक नरेंद्र नायक, शालेय वेवस्थापन समितीची अध्यक्ष अश्विनी घाटवळ, ज्येश्ठ शिक्षिका नीता पेडणेंकार हांणी येसस्वी खेळगड्यांक परबीं भेटयली.