भांगरभूंय | प्रतिनिधी
पेडणें : पेडणें म्हालांतल्या इब्रामपूर हणखणेंच्या सरपंचपदार दिशा गोपीनाथ हळर्णकार हांची शिवजयंती दिसा बुधवारा जल्ले पंचायत मंडळाचे खाशेले बसकेंत विरोधा विणें निवड केली. अलिखीत करारा प्रमाण ही निवड केल्या, अशें कळ्ळां.
इब्रामपूर हणखणेचे उपसरपंच कृष्णा हरिजन हांणी आपल्या पदाचो राजिनामो दीत सावन हें पत रितें जाल्लें. त्या पदा खातीर बुधवारा 19 फेब्रुवारीक सकाळीं पंचायत कार्यालयांत सरपंच अशोक धाऊसकार हांचे अध्यक्षते खाला पंचायत मंडळाची खाशेली बसका आयोजीत केल्ली. हे बसकेंत दिशा हळर्णकार हांच्या नांवाची घोशणा केली.
उपसरपंचपदा खातीर दिशा हळर्णकार हांचें नांव रोशन गवस हांणी सुचयलें. ताका कृष्णा हरिजन हांणी अनुमोदन दिलें. ह्या वेळार सरपंच अशोक धाऊसकार हांचे सयत पंच वामन नायक, कृष्णा हरिजन, शेल्टन फर्नांडीस, रोशन गवस आनी स्मिता गवस हाजीर आशिल्ली. उपसरपंचपदा खातीर दिशा हळर्णकार हांचोच अर्ज दाखल जाल्ल्यान तांची विरोधा विणें निवड केली. तांच्या नांवाची घोशणा वेंचणूक अधिकारी म्हूण हाजीर आशिल्ले पेडणें गटविकास कार्यालयांतले विस्तार अधिकारी भिवा ठाकूर हांणी केली. वेंचणुके वेळार तांकां पंचायत सचीव येशेंद्र नायक हांणी मजत केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
