भांगरभूंय | प्रतिनिधी
म्हापशें, प्रतिनिधी ः बागा-हडफडेंच्या एका नायट क्लबा लागसार केल्फा वगालुम्मे क्लबाच्या कामगारांक गाळी संवून मारपेट केल्ल्या प्रकरणांत केल्फा उर्फ क्लिओफस फर्नांडीस (45, रा. बागा-हडफडें) हाका हणजूण पुलिसांनी अटक केल्या.
पुलिसांनी दिल्ले म्हायतीप्रमाण, शुक्रारा 6 तारखेक सांजवेळा 5 वरांच्या सुमाराक क्लबाच्या स्टाफ रुमा लागसार ही घडणूक घडली. दुबावीतान नायट क्लबाच्या स्टाफ रुमा लागसार वचून थंय आशिल्ल्या कामगारांक गाळी मारल्यो. तशेंच कागाळदार रितू राज मंडल (30, रा. मुळ बिहार), ताचे वांगडी गोविंद मगर, अमर शर्मा (दोगूय महाराष्ट्र), स्टीव्ह (मणिपूर) आनी विवेक कुमार (झारखंड) हांकां मारपेट केली. हांतूत तें पांचूय जाण जखमी जाले. दोतोरांनी जखमींचेर कांदोळे भलायकी केंद्रांत उपचार करून तांकां डिस्चार्ज दिलो.
घडणुकेची म्हायती मेळटाच पुलिसांनी घडणुक सुवातेर वचून पंचनामो करून दुबावीत केल्फा आड गुन्यांव नोंद करुन ताका अटक केली. फुडलो तपास पुलीस उपनिरिक्षक शिंगाडी करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
