भांगरभूंय | प्रतिनिधी
पणजीः हडफड्यां ‘बर्च बाय रोमिओ लेन’ क्लबाक शेनवारा लागिल्ल्या भिरांकूळ उज्यांत दोगांक लासून जाल्यार 23 जाणांक घुस्मटून मरण आयलें. ह्या प्रकरणांत गोंय पुलिसांनी क्लबाचे धनी सौरभ आनी गौरव लुथरा हांचे आड ‘लुक आवट’ नोटीस जारी केल्या. तशेंच विमानतळांचेरूय अलर्ट दिला.
गोंय पुलिसांनी दिल्ले म्हायती प्रमाण, उजो लागले उपरांत दोगूय देश सोडपाचो यत्न करतात. ते खातीर सगल्या विमानतळांक आनी पुलीस स्टेशनांक खबर दिवन अर्लट केलां. हे दुर्घटने उपरांत सौरभ लुथरा हांणे सोशल मिडियाचेर आपली प्रतिक्रिया उक्तायतना सांगलें, ह्या दुर्घटने उपरांत वेवस्थापनाक पुरायपणान धक्को बसला. हे दुर्दैवी घडणुकेंत 25 जाणांक मरण आयिल्ल्यान वेवस्थापन खोलायेन दुख्ख उक्तायता. ह्या अपघातांत मरण आयिल्ल्यांच्या कुटुंबांक पुराय सहकार्य दिवपाक आपूण तयार आसा अशें लुथरा हाणें सांगलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
