स्वीडनाच्या बाल्टिक दर्यांत सोऱ्याच्या बाटल्यांनी भरिल्ली बोट सांपडली
भांगरभूंय | प्रतिनिधी
खबरां संस्था ः दोन दीसा पयलीं ऑस्ट्रेलियांत 55 वर्सां उपरांत स्टीलान भरिल्लें कंटेनर आशिल्ल्या तारवाचे अवशेश सांपडले. आतां एकुणिसाव्या शेंकड्यांतल्या तारवाच्या अपघाताचे अवशेश स्विडना लागीं बाल्टिक दर्यांत सांपडल्यात. सीएनएनच्या मतान ही बोट शॅम्पेनाच्यो बाटल्यो, मिनरल वॉटर आनी पोर्सिलेन (सिरेमिक) भरिल्ली आशिल्लीं.
ही बोट स्वीडनांतल्या ओलंड शाराचे दक्षिणेक 37 किमी अंतराचेर आशिल्ली. ती 170 वर्सां आदीं बुडिल्ली. ह्या बोटीचो सोद घेवपी पोलंडचो डायव्हर स्टॅचुरा हांणी सांगलें, फाटल्या 40 वर्सां सावन बाल्टिक दर्यांतल्या तारवांच्या अवशेशाचे फोटो काडटा. बोटीत शंबरां परस चड सोऱ्याच्यो बाटल्यो सांपडपाची ही पयलीच खेपेची गजाल.
स्टॅचुराच्या कंपनीच्या म्हायती प्रमाण, शॅम्पेन मातये पसून तयार केल्ल्या बाटल्यांनी आशिल्ले आनी ताचेर सेल्टझर ब्रँडाचो स्टिकर आशिल्लो. शॅम्पेन हो एकुणिसाव्या शेंकड्यांतल्या जर्मनींतलो हो एक उत्कृश्ट ब्रँड आशिल्लो. चड करून तांचो सोरो राजघराणे विकत घेताले. हाचे भायर वखदांनीय ताचो उपेग जातालो. 800 वर्सां आदीं सोरो बाटल्यांनी सांठोवन दवरताले. हो सोरो इतलो म्हारग आशिल्लो की सोरो एका सुवातेवेल्यान दुसरे सुवातेर व्हरतना वांगडा पुलीस आसताले अशें कंपनीन सांगलें.
मजगतीं, बोटीचे अवशेश आनी ताचेर मेळिल्ल्यो वस्तू स्विडीश सरकारा कडेन दिल्यांत. खबरां प्रमाण ती दर्यांतल्यान काडपाक एक वर्स मेरेन वेळ लागूं येता.
ब्रिटीश मीडिया द गार्डियन दिल्ले म्हायती प्रमाण, बाल्टिक दर्यांत एक लाखां परस चड तारवां नश्ट जाल्यांत. बाल्टिक दर्यांत 1 लाखांवयर तारवांचे अवशेश आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
