भांगरभूंय | प्रतिनिधी
नवी दिल्ली, खबरा संस्था ः भारतीयांनी स्विस बँकांनी दवरिल्ली रक्कम 2023 वर्साच्या तुळेंत 2024 वर्सा तीन पटींनी वाडून 3.5 अब्ज स्विस फ्रँक जाल्या. ही रक्कम भारतीय रुपयांत सुमार 37,600 कोटी रुपया आसा. एसएनबीन 19 जूनाक हो डेटा जाहीर केलो.
2024 वर्सा भारतीयांनी स्विस बँकांनी दवरिल्ले पयशे 3.5 अब्ज स्विस फ्रँक म्हळ्यार सुमार 37,600 कोटी रुपया मेरेन पावले. 2023 वर्सा 1.04 अब्ज स्विस फ्रँक (सुमार 11,000 कोटी रुपया) परस हें तीन पटींनी चड आसा. 2021 वर्सा उपरांत हो आंकडो सगळ्यांत चड आसा. तेन्ना 3.83 अब्ज स्विस फ्रँक (सुमार 41,000 कोटी रुपया) आशिल्लें.
हे पयशे भारतीय व्यक्ती आनी कंपनींचे आसून, ते स्विस बँकांनी दवरतात. पूण चडशी वाड बँको आनी वित्तीय संस्थां कडल्यान येवपी निधीक लागून जाल्या. वैयक्तीक गिरायक खात्यांतली ठेवी फकत 11% वाडून सुमार 346 दशलक्ष स्विस फ्रँक म्हणल्यार सुमार 3,675 कोटी रुपया जाली. म्हळ्यार वट्ट रक्कमेचो फकत एक दशांश रक्कम वांटो वैयक्तीक खात्यांतल्यान मेळटा. उरिल्ले पयशे बँको, वित्तीय संस्था, बॉण्ड, सिक्युरिटीज ह्या सारक्या स्रोतां कडल्यान आयलें
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
