भांगरभूंय | प्रतिनिधी
संवसारीक क्रमवारींत पयले सुवातेर आशिल्ली बायल खेळगडी इगा स्वियातेक हिका ऑस्ट्रेलियन ओपनाचे तिसरेच फेरयेंत आपली बिटकी कवळची पडली. चुरशीचे मॅचींत तिका 50वे सुवाते वयले नोसकोवान स्वियातेकाक 3-6, 6-3 आनी 6-4 अशा तीन सेटांनी हारयली. चार खेपेची ग्रॅण्ड स्लॅम वस्ताद स्वियातेकाक ऑस्ट्रेलियन ओपनचे सेमी फायनलीच्या मुखार वचपाक अजून मेरेन जमूंक ना.
दुसरे वटेन 19 वर्सां पिरायेची नोसकोवा पयले खेपे हे सर्तीचे मुखेल फेरयेंत खेळटा. झेक प्रजासत्तकाची खेळगडी नोसकोवा आडचो पयलो सेट जिखल्या उपरांत स्वियातेकाची लय इबाडली. नोसकोवान दुसऱ्या सेटांतले सातवे गेमींत ब्रेक पॉयण्ट वाटायल्या उपरांत फुडल्या 12तले 11 गूण मेळयले आनी मॅच बरोबरींत हाडली. ते उपरांत नोसकोवा जबरदस्त फॉर्मांत आयली. तिणें सेगीत चार गूण जिखले आनी एस मारून मॅच पॉयण्ट मेळयलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
