भांगरभूंय | प्रतिनिधी
मोरजी विठ्ठलदास वाडो दर्यादेगेर घातल्या फ्लोटींग बॉल दोरी
भांगरभूंय । प्रतिनिधी
पेडणें : देश – विदेशांतल्यान येवपी दरेका पर्यटकाचे सुरक्षेची जापसालदारकी जशी सरकाराची आसा, तशीच ती लोकप्रतिनिधी आनी थळाव्या पंचायत मंडळ, लोक आनी वेवसायिकांची आसा. ची जापसालदारकी ते पाळटात. पूण सरकारान विठ्ठलदास वाडो मोरजी दर्यादेग वाठारांत फ्लोटींग बॉल दोरी बांदून दर्यादेग स्विमींग झोन म्हूण जाहीर केला आनी थळाव्या नुस्तेमार वेवसायिकांक आडखळ निर्माण केल्या. ह्या स्विमींग झोन विभागाक आमचो पुराय विरोध आसा, अशें मत विठ्ठलदास वाडो मोरजेच्या थळाव्या नुस्तेमार वेवसायिकांनी उक्तायलां.
मुख्यमंत्री डॉ. प्रमोद सावंत आनी पर्यटन मंत्री रोहन खंवटे हांचे कडेन चर्चा करून स्विमींग झोन खातीर लायिल्ली फ्लोटींग दोरी काडपाची मागणी केल्या. बेगिनात बेगीन ती दोरी काडटले, अशी हमी आमदार जीत आरोलकार हांणी दिल्या.
फ्लोटींग बॉल दोरी घातिल्लो वाठार पेवपा खातीर सुरक्षीत आसा, तशेंच नुस्तेमारी करपा खातीर लेगीत तो वाठार सुरक्षीत आसा. पागेर, ल्हान रापण घालून थळावे नुस्तेमार थंय नुस्तेमारी करतात. थारावीक वेळांत थंय पेवपाक हरकत ना, पूण सासणा खातीर थंय फ्लोटींग बॉल दोरी घालून दवरली जाल्यार फांतोडेर जाळे मारपाक वचपी व्हड्यांक ताची आडखळ जातली, अशें अल्बर्ट फर्नांडीस हांणी म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
