भांगरभूंय | प्रतिनिधी
लिबीया लोबो सरदेसाय व्हाॅयस आॅफ फ्रीडम हो अंडरग्रांवड रेडियो चलयताली. 1955 ते 1961 मेरेन तांणी गोंय मुक्ती चळवळी खातीर तो चलयलो. गोंय मुक्ती उपरांत तांणी पर्यटन संचालक म्हूण काम केलां.
तांचो जल्म २५ मे १९२४ दिसा पर्वरे जालो. तांचे कुटुंब ती ल्हान आसतना क्राॅफड मार्केट- मुंबय रावपाक गेलें. नामनेचे चित्रकार एफ एन डिसोझा हे तांचे शाळेंतले इश्ट. लिबीबाय टी बी कुन्हा हांच्या गोवन युथ लिगाची १९४८ ते १९५० मेरेन सचिव आशिल्ली.
अनुवादक म्हूण तांणी नोकरेक सुरवात केली. दुसऱ्या संवसारीक म्हाझुजांतल्या इटालियन कैद्यांचीं पत्रां सॅन्साॅर करपाचें काम तांकां दिल्लें. डाॅ. बाबासाहेब आंबेडकर हांणी स्थापन केल्ल्या सिद्धार्थ काॅलेजांतल्यान तांणी पदवी घेतली. तिच्या प्राध्यापकांनी तांची वळख म्हान तत्वज्ञ एम एन राॅय हांचे कडेन वळख करून दिली. राॅय हांच्या विचारांचो लिबीबायचे खूब प्रभाव आसा. मागीर तांणी मुंबय आकाशवाणीचेर स्टेनोग्राफर आनी ग्रंथपाल म्हूण निवड जाली.
१९५४- ५५ त पुर्तुगेजांनी शांतता आंदोलन करपी सत्याग्रहींक मारले. गोंयच्यो शिमो बंद केल्यो. वेपार, येरादारी सगलेंच बंद केलें. तेन्ना गोंयकारांक स्वातंत्र्याविशींच्यो खबरो, म्हत्वाच्यो खबरो दिवपाक तांणी, वामनराव सरदेसाय आनी निकोसल मिनेझीस हांणी दोन वायरलेस सेट वापरून रेडियो ट्रान्समिटर तयार केलो. ताचे वयल्यान लिबिबाय आनी मिनेझीस खबरो दितालीं. आंबोलेच्या अटंग्या रानांत लिपून तीं वरभर हो रेडियो चलयतालीं. मिनेझीस वतकच लिबीबाय, वामनराव सरदेसाय कॅसलराॅक रावन रेडियो चलयतालीं.
भारतीय लश्कराचे वतीन संरक्षण मंत्री व्ही के कृष्ण मेनन हांचो पयलो संदेश १७ डिसेंबर १९६१ दिसा ह्याच रेडियो वयल्यान प्रसारीत जाल्लो. शरण येवचें अशें तांणी तातूंत पुर्तुगेज गव्हर्नर जनरलाक सांगिल्लें. गोंय मुक्त जातकच हवाई दळाच्या विमानाक हो रेडियो ट्रान्समिटर, लावडस्पीकर लावन लिबीबाय आनी वामनराव सरदेसाय हांणी गोंयभर उड्डाण करीत गोंय मुक्त जाल्ल्याची घोशणा केल्ली आनी पत्रकां उडयिल्लीं.
उपरांत लिबीबायन परराष्ट्र वेव्हार मंत्रालयांत काम केलें. पुर्तुगेज सैनिकांक धरपाक, परत धाडपाक केंद्र सरकारान तांची मजत घेतली. १९ डिसेंबर १९६४ त लिबीबाय आनी वामनराव लग्न जालीं. लिबीबाय ही गोंयांतली प्रॅक्टीस करपी पयली बायल वकील. ती पयलीं पर्यटक संचालक. महिला सहकारी बँकेची ती एक संस्थापक. गोवा होम सायन्स काॅलेजीची ती संस्थापक. १९९४ त तिणें वेदांत संस्था स्थापन केली. तिच्या १०० व्या वाडदिसा निमतान एफ एन सोझा हांचे नातू सोलोमन सोझा हांणी पणजे लिबीबाय हांचें म्युरल तयार केलां. मेरी इमॅक्युलट चर्च वाठारांत तें पळोवंक मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
