भांगरभूंय | प्रतिनिधी
एक णव वर्सांचो गुबगुबीत भुरगो धांवत आयलो आनी हात फडफडोवपाक लागलो. म्हाका अजूनय ताचें मुखामळ याद आसा. ताका ताच्या दोळ्यांच्या कोनशांतल्यान सगलो थेरपी रूम पळोवपाक जाय आशिल्लो. मागीर म्हजी मॅडम भीतर सरली आनी म्हाका ताच्या बद्दल समजावून सांगलें. ताका स्वयंमग्नताय (आॅटीजम) दुयेंस आशिल्लें. हांव ताका मेळ्ळें. हाव आयज हो अणभव एक वेवसायिक थेरपीस्ट म्हणून शॅर करतां.
2 एप्रील हो जागतिक स्वयंमग्नताय जागृकताय दीस आनी एप्रील हो स्वयंमग्नताय जागृकताय म्हयनो म्हणून मनयतात.
स्वयंमग्नताये विशीं आनीक जाणून घेवप म्हटल्यार ती एक न्युरो डेव्हलपमेंटल डिझओर्डर. तातूंत समाजीक आनी संप्रेशण समस्या, पुनरावृत्ती आनी प्रतिबंधात्मक वर्तन परत तीव्रते बरोबर मनशां भितर येवंक शकता. आॅटीजमाचे निदान 18- 25 म्हयन्यां मेरेन जाता. ह्या वयान विशिश्ट पूर्ण लक्षणां सामान्य विकास आनी बाकी विकासात्मक परिस्थिती नाशिल्ल्यान वळखपाक जाता. विज्ञानिक अजूनुय स्वयंमग्नतायेचें (ASD) नेमकें कारण सोदतात.
संशोधन अशें सांगता की प्रतिकूल जनुक पर्यावरणाच्या प्रभावा बरोबर पोषण, प्रदुषण आनी किटकनाशक ह्या सारक्या प्रभावा बरोबर काम करूं शकता. ताचे खातीर दुयेंसांक लागून स्वयंमग्नताय जावं शकता. स्वयंमग्नताय हें एक संप्रेशण दुयेंस. तातूंत भाशा आनी भाशा कौशल्य, रोबोटिक उलोवपाचो आवाज वा गावपाचो आवाज (echolalia), हात फडफडप, धोलप, उडयो मारप वा परतें परतें फिरप आनी अतिक्रियाशील (hyper) वर्तन आसता. एक विशिष्ट क्रियाकलाप वा वस्तू विशिश्ट दिनचर्चा वा विधीचेर थारावप. (आनी नित्यक्रम बदल्ले काय अस्वस्थ जावप एकदम थोडे) हे सारकी पुनरावृत्ती जाता ती वर्तणुक सुद्धा हें दुयेंस दाखयता. स्पर्श, प्रकाश आनी आवाजाची म्हणजे संवेदना प्रक्रिया दुयेंस अशे म्हणता.
खूप तरेचे उपचार आसात. ते म्हणजे वर्णनात्मक, विकासात्मक, शिक्षणिक, सामाजिक, संबंधात्मक वखदां शास्त्रीय, मानसशास्त्रीय, पूरक आनी पर्यायी आसूं शकतात. जेन्ना आमी कसलेय अपंगत्व दुयेंस वा स्थिती बद्दल जागरूकते खातीर यत्न करतात. तेन्ना आमी तें जशें आसा तशेंच स्विकारपाक जाय. आमकां तांचे खातीर कसल्या लेबलाची गरज ना. प्रत्येक मनश्यांची ताकद आनी कुवत वेगळी आसता. तांचे खातीर आमी हो दीस आनी म्हयनो समाजातल्या सुंदर वांगड्यां खातीर निळ्या रंगान उजळून मनोवया.
पूजा वजराटकार
7378412408
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
